Jon Gurrutxaga bertsolari azpeitiarra bigarren sailkatu zen larunbatean Baionako Zizpa gaztetxean jokatu zen Hernandorena Sariketako finalean. Gurrutxagaz gain beste bost bertsolarik parte hartu zuten lehian: Aratz Igartzabal, Maialen Akizu, Maider Arregi, Nahia Sasco eta Aitor Servier. Gurrutxaga eta Maider Arregi iritsi ziren buruz burukora, eta Arregi nagusitu zen saioaren azken txanpa horretan.
Hainbat lan egin behar izan zituzten bertsolariek: zortziko txikikoa, 8ko handikoa, puntu-erantzunak eta hamarreko txikia. Lan horiek eginda puntu gehien Arregik eta Gurrutxagak jaso zituzten. Lehenen eta bigarren sailkatu ziren bertsolari horiek, eta Aitor Servier izan zen sailkapeneko hirugarrena. Aratz Igartzabalek, berriz, publikoaren Zizpa saria jaso zuen.