Itsasi Euskal Kultur Taldeak, urtero egin ohi duen bezala, Itsasi Eguna ospatuko du azaroaren 25ean, zapatua. 11:30ean emango diote hasiera ospakizunari, parrokian egingo den elizkizunarekin. Ondoren, taldeko dantzari txikienen txanda izango da, eta Frontoi Txikian dantza ikuskizuna eskainiko dute. Ospakizuna borobiltzeko, bazkaria antolatu dute.
Taldekide ohiei gonbidapena
Itsasik kultur taldeko kide izan diren herritar guztiak gonbidatu eta animatu nahi ditu Itsasiren egunean parte hartzera. Interesa dutenek, izen-ematea bi modutara egin daiteke: Itsasiko kideren batekin hitz eginda edo itsasieuskalkulturtaldea@gmail.com helbidera mezu bat bidalita.