Urola Erdiko Korrika batzordeek eta mendizale elkarteek Xoxotera irteera antolatu dute iganderako, martxoak 5. Azpeititik, Azkoititik eta Zestoatik igotako mendizaleek egingo dute bat Izarraizko Azpeitiko tontorrean.
Azpeitikoek antolatutako ibilaldia 09:00etan abiatuko da plazatik. Azkoitian, berriz, 08:30ean izango dute irteera, Balda plazan; eta Zestoan Gurutzetik irtengo dira, 08:45ean. 09:00etan Attolatik igotzeko aukera ere izango dute herritarrek.
Xoxoten elkartuta, hiru herrietako parte-hartzaileek hamaiketakoa egingo dute.