Esku-pilotako Emakumeen Master Cup-eko Lehen Mailako finala jokatuko du Nagore Aramendi pilotari azpeitiarrak igandean, martxoaren 5ean, Zornotzan. Aramendik ez zuen finalerako txartela lortu finalaurrekoetan, baina Jaione Zulaika pilotaria ordezkatuko du finalean. Izan ere, Zulaikak eskuineko belauneko meniskoa apurtu du, eta txapelketako antolakuntzak erabaki du finalerdietako aurrelari galtzaile onena jartzea bere ordez. Hala, nor baino nor arituko dira, batetik, Nagore Aramendi azpeitiarra eta Laukizko Nagore Bilbao, eta bestetik, Alba Martinez errioxarra eta Arrate Bergara nafarra.
Partida 12:00etan hasiko da, eta zuzenean emango dute ETB1en.