Sare sozialetan gero eta abiadura biziagoan zabaltzen diren modako joeretako azkena da Mannequin Challenge deritzona. Jende asko, bakoitza jarrera batean eta manikien gisara geldi-geldi, izoztuta bezala jarri, eta bideo labur bat grabatzea da kontua; eta ondoren, nola ez, Interneten zabaltzea.
Bada, Azpeitira ere iritsi da Mannequin Challenge-aren olatua, herriko bi kirol talderen eskutik. Sammic ISB Zilarrezko LEB ligako saskibaloi taldeak eta Ikasberri Kirol Elkarteko futboleko talde nagusiak bideo bana grabatu eta euren sare sozialetan jarri dituzte; Uztarria.eus-en ere ikus daitezkeen bi hauek, hain zuzen.
Iraurgikoek lehendik ere badute sare sozialetako joera arrakastatsuekin bat egiteko ohitura. Horrela, 2013an orduan puri-purian zegoen Harlem Shake-aren bideoa grabatu zuten.