Ainhoa Goenaga igerilari azpeitiarra Etorkizuneko Kirolari izendatu du Gipuzkoako Foru Aldundiak. Joan den azaroaren 3an izendatu zituen Etorkizuneko Kirolariak Foru Aldundiko Kultura, Turismo, Gazteria eta Kirol Departamentuak, eta duela egun batzuk eman zuen ebazpenaren berri Gipuzkoako Aldizkari Ofizialean (GAOn). Iazko denboraldiko emaitzei esker lortu du izendapena Goenagak, eta Izarraitz Igeri Elkarteak jakinarazi duenez, "Etorkizuneko Kirolari tituluak lanean gogoz eta gogor jarraitzeko motibazioa emango dio".
(Argazkia: Izarraitz Igeri Elkartea)