Azaroan gimnasia abdominal hipopresiboa egiteko eskaintza zabaldu du Udal Kirol Patronatuak

Azaroko astelehenetan eta asteazkenetan eskainiko dituzte saioak, 15:15etik 16:00etara, eta izen-ematea zabalik dago. Kirol Patronatuak aurrez antolatutako beste jarduera batzuetan ere plazak libre daude, eta horietan ere izena eman daiteke oraindik. 

Urrian hasi zen Azpeitiko Udal Kirol Patronatuak antolatutako jardueren ikasturtea, baina eskaintza zabaldu nahian gimnasia abdominal hipopresiboko beste talde bat sortu du Kirol Patronatuak. Azaroan zehar astelehenetan eta asteazkenetan eskainiko dituzte eskolak, 15:15etik 16:00etara, igerilekuko eraikinean. Gimnasia abdominal hipopresiboan izena emateko epea zabalik da, eta interesa dutenek igerilekuan edo 943 81 41 21 telefonora deituta eman dezakete izena. 

Kirol Patronatuak  jakinarazi duenez, eskaintza horretaz gain, oraindik ere aurrez antolatutako jarduera batzuetan plazak gelditzen dira. Beraz, eskaintza horietan izena emateko interesa duen edonork igerilekuan eska dezake informazioa. 

Uztarriak hainbat berrikuntza egin ditu bai webgunean, bai aldizkarian, eta zuen sostengu ekonomikoa behar du aurrera egiteko. Euskaraz, kazetaritza egiten segituko dugu, zuzentasunez eta zehaztasunez, eta zuek bide horretan lagun izatea nahi dugu. Elkarren beharra dugu!


Izan zaitez Uztarriako bazkide