Azpeitiko XVII. Erremonte Txapelketaren sailkapen fasearen hirugarren eta azken jardunaldia jokoan izango da gaur, ostirala, Izarraitz pilotalekuan.
Aurreko bi ostiraletan bezala, bi partida ikusteko aukera izango da, 18:30etik aurrera. Aurrenekoan, Utergak eta Zalduak Otaegiren eta Ionen kontra jokatuko dute, A multzoaren barruan. B multzoari dagokion neurketan, berriz, Segurola eta Zubiri Ansa II.a eta Larrañagaren kontra ariko dira.
Gaurko jardunaldiaren ondoren erabakiko dira ekainaren 24an jokatuko diren finalaurrekoak. Finala, berriz, uztailaren 1ean izango da.