Azoka Herritik ekimenaren hasierako balorazioa egiteko lehendabiziko hausnarketa egitean, azaletik begiratuta, emaitza ona izan dela iruditzen zaigu. Esaten genuen bezala, herritarren parte hartzearekin bertako ekoizpena eta salmenta bultza nahi genituen, sorkuntza gaitasuna erakutsi eta guztia elkartasunean egin. Dena hobetu daitekeen arren, funtsean, asmo horiek bete direla uste dugu.
Hurrengo pausoa, epe motzekoa, parte hartzaileekin bildu eta beraien iritziak jasotzea izango da. Hau da, barrutik begiratzea, aztertzea eta gogoeta egitea.
Azoka Herritik, ordea, abiapuntu bat izan da. Elkartasun honek aurrerantzean ere iraun dezala nahi dugu, eta sor daitezela proiektu komunak, ezagutu gaitezela elkar eta bizirik manten gaitezen gu eta gure herria. Eskerrik asko parte hartu duzuen guztioi eta baita gainontzeko herritarrei ere emandako erantzunagatik.