Iraurgik ezin Bartzelonaren kontra

Lehen hiru laurdenetan parean ibili arren, azkenean 63-84 bukatu dute

Joan Creus ezagunaren semea izan da onena: 24 puntu

Ondo eutsi zion atzo gauean Lan Mobel Iraurgik Bartzelonari partidako lehen hiru laurdenetan, baina laugarrengoan 12-26ko partziala egin zuten kanpotarrek eta, azkenerako, erraz gailendu ziren: 63-84.

Hirugarren laurdena 51-58 bukatu zuten, eta Ibagurtxik hiruko batekin 54-58koa jarri zuen. Bartzelonak ia hutsik ez zuen egin, baina, ondoren. Joan Creus jokalari ohi ezagunaren eta Bartzelona klubeko saskibaloi arloko arduradunaren semea izan zen onena: 24 puntu.

Jende asko bildu zen Azpeitiko kiroldegian partida ikusteko.

Espainiako LEB Ligako azkenaurreko postuan segitzen du Iraurgik.

Lan Mobel Iraurgi 63 (22+12+17+12). Bratton (14), Mortellaro (8), Cavada, Osa, Ibargutxi (7), Aritz Martinez (9), De la Iglesia (2), De la Fuente (8), Paez (15), Azkue, Borja Martinez.

Regal Bartzelona 84. (21+19+18+26): Andrew (17), Marzo (10), Acosta, Aparicio (10), Creus (24), Marcos (9), Jimenez (4), Mas, Zhigulin (2), Drame (8).

Uztarriak hainbat berrikuntza egin ditu bai webgunean, bai aldizkarian, eta zuen sostengu ekonomikoa behar du aurrera egiteko. Euskaraz, kazetaritza egiten segituko dugu, zuzentasunez eta zehaztasunez, eta zuek bide horretan lagun izatea nahi dugu. Elkarren beharra dugu!


Izan zaitez Uztarriako bazkide