Lagun Onakek eta Iraurgik hitzaldia antolatu dute asteazkenerako

Hitzaldiko gaia Guraso eta jarraitzaile izango da

Enparan Dorretxean emango dute hitzaldia, 19:30ean

Datorren asteazkenean, urtarrilaren 13an, gurasoei zuzendutako hitzaldia egingo dute Enparan Dorretxean. Lagun Onak futbol eskolak eta Iraurgi saskibaloi eskolak antolatu duten hitzaldiko gaia Guraso eta jarraitzaile izango da.

Hitzaldia 19:30ean hasiko da Enparan Dorretxean eta bertan kirol eskolekin zerikusia duten hainbat lagunek hartuko dute parte: Hodei Mendinueta (Real Unioneko jokalaria), Joseba Lizarralde "Rubio" (entrenatzailea), Elias Mendinueta (gurasoa), IƱigo Azkue (2.B mailako epailea), Jose Luis Zubizarreta (Iraurgi Saskibaloi taldeko kidea) eta Aitor Zulaika (Lagun Onak 3.mailako entrenatzailea).

Uztarriak hainbat berrikuntza egin ditu bai webgunean, bai aldizkarian, eta zuen sostengu ekonomikoa behar du aurrera egiteko. Euskaraz, kazetaritza egiten segituko dugu, zuzentasunez eta zehaztasunez, eta zuek bide horretan lagun izatea nahi dugu. Elkarren beharra dugu!


Izan zaitez Uztarriako bazkide