Jorge Elorduik utzi egin du Iraurgi SB

Jorge Elordui ezkerrean eta David Rodriguez entrenatzaile berria (Iraurgi SBren web orritik hartutako argazkia).

Atzo bertan Farho Gijonen eskaintza jaso eta onartu egin zuen

David Rodriguez bigarren entrenatzaileak hartu du lekukoa

'Urola Kostako Hitza'-n Elorduiri egindako elkarrizketa

Jorge Elorduik Iraurgi SB Lan Mobel uztea erabaki du. Atzo bertan gertatu zen dena. Iraurgiko entrenatzaileak eskaintza jaso zuen Calefacciones Farho Gijon taldetik eta onartu egin zuen, denen ezusterako. Espainiako LEB 1 Ligan dago Xixongo taldea eta une honetan azkeneko postuan daude. Elorduik gaur goizean bertan entrenamendua du han.

David Rodriguez donostiarra da orain Iraurgiko entrenatzaile berria. Lolo Encinas, Elorduiren aurretik zegoen entrenatzaileak ekarri zuen Rodriguez Iraurgira, eta denbora horretan guztian bigarren entrenatzailea izan da orain arte.

Elorduirekin zortzi partidatatik sei irabazi

Elorduik zortzi partida egin ditu Lan Mobel ISB taldearekin Espainiako EBA Ligan. Partida horietatik sei irabazi ditu taldeak eta bi galdu. Bosgarren postuan daude orain, hirugarrenarekin berdinduta. Lehen hirurek jokatuko dute igoera fasea jokatzeko kanporaketa. Zazpi partida falta dira EBAko Liga bukatzeko.

'Urola Kostako Hitza'-n Elorduiri egindako elkarrizketa

Uztarriak hainbat berrikuntza egin ditu bai webgunean, bai aldizkarian, eta zuen sostengu ekonomikoa behar du aurrera egiteko. Euskaraz, kazetaritza egiten segituko dugu, zuzentasunez eta zehaztasunez, eta zuek bide horretan lagun izatea nahi dugu. Elkarren beharra dugu!


Izan zaitez Uztarriako bazkide