Albergako amuarrain denak hil dira

Albergako amuarrainak hilda agertu dira.

Aralarrek zer gertatu den galdetu du

Foru Aldundiak albergan laginak hartu ditu; azterketa egiten ari dira han zer gertatu den jakiteko

Asteartean, irailaren 19an, albergan amuarrain denak hilda agertu zirela salatu du Aralarrek: "Hasieran ez du ematen ezer larririk gertatu denik, baina Udalak han gertatu dena ezkutuan eman duela dirudi. Hildako animaliak berehala kendu eta ingurua garbitu baitzuten".

Aralarrek albergan zer gertatu den jakin nahi duela esan du. "Gertatu dena istripua izan bada zer nolakoa izan den eta nolako ondorioak izan dituen jakin nahi dugu. Kontua ez da inor beldurtzea, baina horko ura edonork edan dezake".

Udalak azaldu duenez, Gipuzkoako Foru Aldundiak albergan laginak hartu ditu eta orain aztertzen ari dira han zer gertatu den jakiteko. Udalak dioenez, albergako amuarrain guztiak hil egin dira eta horregatik garbitu dute dena. Ollagorra elkartekoek hazten dituzte amuarrainak albergan, gero erreketara botatzeko.

Uztarriak hainbat berrikuntza egin ditu bai webgunean, bai aldizkarian, eta zuen sostengu ekonomikoa behar du aurrera egiteko. Euskaraz, kazetaritza egiten segituko dugu, zuzentasunez eta zehaztasunez, eta zuek bide horretan lagun izatea nahi dugu. Elkarren beharra dugu!


Izan zaitez Uztarriako bazkide