'Hitza'-ren aurkezpena asteartean Azpeitian

  • Sindikatu Zaharrean egingo da, 19:30ean
  • Herriko elkarteak, ikastetxeak, enpresak… eta herritarrak gonbidatuta daude

Urtarrilaren 17an banatu zen Urola-Kostako Hitza-ren 0 zenbakia, otsailaren 20an irtengo du 1.ak, eta azkeneko egunetan sustatzaileak (besteak beste, Uztarria Kultur Koordinadora) proiektua herriz herri aurkezten ari dira.

Azpeitiko hitzordua:

  • Eguna: otsailak 10 (asteartea).
  • Ordua: 19:30.
  • Tokia: Sindikatu Zaharra.
  • Hizlariak: Uztarria, Hitza-ko zuzendaria eta Bertako Hedabideak.

Uztarriak Azpeitiko elkarteei, ikastetxeei, enpresei… bertara azaltzeko gonbita banatu die, eta herritar orok ateak zabalik izango ditu.

Aurkezpen-festa, otsailaren 19an, Zarautzen

Otsailaren 20an sortuko da Hitza (Egunkaria-ren itxieraren lehen urteurrenean), eta egun bat lehenago —osteguna da— aurkezpen-festa egingo da Zarautzen, Zinema Frontoian, 20:00etan. Bideoa, bertsolariak, antzerki esketxa, mokadua… Jakina, Uztarriako harpidedun edo bazkide, gonbidatuta daude.

Uztarriak hainbat berrikuntza egin ditu bai webgunean, bai aldizkarian, eta zuen sostengu ekonomikoa behar du aurrera egiteko. Euskaraz, kazetaritza egiten segituko dugu, zuzentasunez eta zehaztasunez, eta zuek bide horretan lagun izatea nahi dugu. Elkarren beharra dugu!


Izan zaitez Uztarriako bazkide