Egoerara moldatutako bertso saioa izango da datorren ostegunean

Uztarria.eus | Kultura
2020ko mar. 27a, 18:19

Urolako Komunikazio Taldeak streaming bidezko bertso saioa eskainiko du datorren ostegunean, 18:30ean hasita. Eneritz Artetxek, Jokin Urangak, Beñat Lizasok, Jon Gurrutxagak eta Iñigo Mantzizidor Mantxik kantatuko dute, eta herritarrek horientzako gaiak proposatzeko aukera izango dute asteartera bitartean.

Honako bost bertsolari hauek abestuko dute saioan.  Ikusi haundiago | Argazki originala

Konfinatuta. Hala jarraituko dute herritarrek datorren astean ere, baina itxialdia arintzeko bertso saioa antolatu du Urolako Komunikazio Taldeak. Egoerara moldatuta, noski. Hain zuzen ere, Hangouts bidez egingo dute bertsotan Eneritz Artetxek, Jokin Urangak, Beñat Lizasok, Jon Gurrutxagak eta Iñigo Mantzizidor Mantxik, eta Uztarria.eus-en ikusi ahal izango da emanaldia streaming bidez. Ostegunean izango da zuzeneko saioa, 18:30ean hasita, eta Uztarria.eus-en ikusi ahal izango da.

Jon Zaldua arduratuko da horiei gaiak jartzeaz, baina gaiak ez ditu berak proposatuko: herritarrek izango dute horretarako aukera. Datorren asteartera bitartean jasoko ditu Uztarriak bost bertsolari horientzako gaiak. Herritarrek zuzendaritza@ukt.eus helbidera bidali beharko dituzte proposamenak.

Informazio gehiago

Bidali:  

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu