Bihartik aurrera itxita egongo dira ikastetxe eta haurreskola guztiak

Uztarria.eus | Hezkuntza
2020ko mar. 12a, 12:42

Arabako ikastetxeak ez ezik, Gipuzkoakoak eta Bizkaikoak ere ixtea erabaki du Eusko Jaurlaritzak. Beraz, Azpeitiko ikastetxeei nahiz haurreskolei ere eragingo die neurriak. Bihartik aurrera izango dira itxita, eta hamabost egunean indarrean izango da gune horiek ez zabaltzeko neurria. Aurrez aurreko eskolei eta ikasleei eragingo die erabakiak.

Herriko ikastetxe guztiak itxiko dituzte.  Ikusi haundiago | Argazki originala

Koronabirusari aurre egiteko neurriak hartzen jarraitzen du Eusko Jaurlaritzak, eta Arabakoak ez ezik, Bizkaiko eta Gipuzkoako ikastetxe guztiak ere ixtea erabaki du gaur, osteguna. Oraingoz ez dute baieztatu koronabirus kasurik Azpeitian, baina urrun zirudiena gerturatu egin da, bai behintzat neurriei dagokienez: ikastetxe, haurreskola eta unibertsitate guztiak itxiko dituzte. Bihartik izango da indarrean neurria, eta hamabost eguneko iraupena izango du; hau da, martxoaren 30era arte.

Nekane Murga Eusko Jaurlaritzako Osasun sailburuak jakinarazi du erabakia 13:00etan hasita eskaini duen prentsaurrekoan, eta hark esan duenez, "umeek birusa zabaltzeko erraztasuna" dutelako itxiko dituzte ikastetxeak eta haurreskolak, "birusa gehiago zabaltzea sahiesteko". Dena den, neurriak aurrez aurreko eskolei eta ikasleei eragingo die; izan ere, ikastetxeetako, haurreskoletako nahiz unibertsitateetako langileek beren lantegietara joan beharko dute, eta horiek materiala prestatu beharko dute ikasleek etxetik ikasten jarrai dezaten.

Herriko ikastetxe guztiak ez ezik, Juan Antxieta musika eskola ere itxita izango da bihartik aurrera, hori ere hamabost egunez, "printzipioz".

Informazio gehiago

Bidali:  

Erantzunak

Iepaa | 2020-03-12 : 13:03

Eskolak itxi ber dituela? Ze katxondeo da hau??? Esan diguten lehelengo gauza attitte t amamak arrisku geyena dakebela, t hoin ume danak beayek saitzen?. Ez dao jubilasiyoik danantzat eta garbiketa nai da ala ze??

Marta79 | 2020-03-12 : 14:29

Egunon.
Ta ume horiek ez al dute gurasorik?
Osasun alarma batean gaude eta ezta erraza erabakiak hartzea. Hospitalak kasi saturatuak daude eta koronabirusaren kasuak gora doaz. Zer da pena, horrelaxe segitzea ea zer gertatzen den? Arazo hau bakarrik ez da zuzenduko. DENOK egin behar dugu gure esku dagoen guztia.
Umeek dituztenak antolatu egin beharko zarete: lantegian permisuak eskatu, norbait kontratatu, etab. Ahal dena!!!

Marta79 | 2020-03-12 : 14:35

Nik ez dut umerik baina nahiz eta gaztea izan, osasun arazoak ditut eta benetan nago arduratuta. Nik etxetik ez irtetea erabaki dut (ordaindu gabeko permisua hartu dut lanean hil guztirako) eta antolatu egin beharko naiz, ze norbaitek egin beharko dizkit erosketak, etab.
Kasu honek denori afektatzen digu ta esaten digutena egin beharko dugu.
Baina pasako da....

Iepaa | 2020-03-12 : 14:43

Ados nago egoera larria dela baina nire ustez ez dira neurri egokienak hartzen ari. Eskolak istea erabakitzen badute gurasoek lanera ez joateko erraztasunak isan beharko genituzke. Bestalde, eskolara ez joan eta umeak parketan ibiltzeak ez du logikarik.

Marta79 | 2020-03-12 : 14:55

Parkeekin ahaztu. Ahal den guztia etxean egon. Hori da egin beharrekoa!
Ta noski, eman dituzten gomendio guztiak jarraitu!!!

Baserrikoollaxkuelabien | 2020-03-12 : 16:14

Marta79kin gustiz ados, eskolak istie umiek mazifikaziyo egoeran ez egoteko neurri bat da, gustiz bearrezkue ta ondo hartuta neurriye,bestalde lojikie ibili berda beste neurriyek hartzeakun, umiek parkea ez eman, aldan geyena etxin eon, mazifikaziyo edo jende ugari dagoen lekutatik urruti ibili,mendira jun...

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu