Liderra aise gailendu da Juaristi ISBren aurkako partidan

Uztarria.eus | Kirolak
2020ko mar. 10a, 08:25

Murtziaren kontra neurtu zituen indarrak Juarisi ISBk atzo, Azpeitiko kiroldegian. 53 eta 86 bukatu zen norgehiagoka; lehen laurdenaz geroztik, askoz ere gehiago izan zen Murtzia.

Juaristi ISB Kopako partidan.  Ikusi haundiago | Argazki originala

Zilarrezko LEB Ligako liderraren bisita jaso zuen atzo, igandea, Juaristi ISBk, eta are liderrago egin zen Murtzia atzoko partida irabazita. Erraz garaitu zuen etxeko taldea; izan ere, 53 eta 86 bukatu zen norgehiagoka. Lehen laurdena nahiko estua izan zen; 15 eta 16 bukatu zen. Dena den, bigarrenetik aurrera jokoaren gidaritza Murtziarena izan zen. Kiroldegian herritar ugari izan zen etxeko taldea animatzen, baina bultzada hori ez zitzaion nahikoa izan Juaristi ISBri. Federico Van Lacke izan zen etxeko saskiratzaile onena; hark hamabi puntu batu zituen atzoko neurketan.

Bidali:  

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu