Orkatz kultur elkarteak eta Korrale tabernak antolatuta, mus txapelketa izango da bihar, zapatua, bi taberna horietan. Izen-ematea 15:00etan zabalduko dute Korralen, eta parte-hartzaileek 45 minutu izango dituzte txapelketan izena emateko, 16:15ean itxiko baita izen-ematea. Bikoteko 20 euro ordaindu beharko dute izen-ematea. Lau erregetara, lau usteletara eta lau hamarrekotara jokatuko dute txapelketa.
Irabazleentzat nahiz parte-hartzaileentzat hainbat sari banatuko dute Orkatz-Korrale txapelketaren antolatzaileek: irabazleek 300 euro eta txapela eskuratuko dituzte; bigarren sailkatzen direnek, 150 euro; hirugarrenek, 100 euro; eta laugarren bikoteak Orkatzeko txotxean bi afari. Parte-hartzaile guztien artean otarre bat zozkatuko dute.