Oporretatik bueltan da Emakumeen Txokoa, eta gaurtik aurrera bulegoa zabalik egongo da herritarrentzat. Aurreneko bi astetan, gaurtik irailaren 16ra bitartean, goizez soilik egongo da irekita Emakumeen Txokoa, 10:30etik 13:00etara. Irailaren 16tik aurrera, aldiz, ohiko ordutegira itzuliko da, eta astegunetan goizez zein arratsaldez egongo da irekita, 10:30etik 12:30era eta 16:30etik 19:00etara. Horrez gain, hileko azken zapatuan ere ateak irekiko ditu Emakumeen Txokoko bulegoak, 10:00etatik 13:00etara.
Emakumeen Txokoarekin harremanetan jarri nahi dutenek, bulegora bertaratu (Goiko Kalea 12) edo bulegoko telefono zenbakira (943-15 70 55) deitu besterik ez dute.