Abian da Zarauzko Lizardi bertso sariketaren 43. edizioa, eta atzo, osteguna, izan zen lehen kanporaketa. Jon Gurrutxaga azpeitiarrak irabazi zuen kanporaketa 209,5 punturekin, eta finalerako txartela lortu zuen. Bigarren sailkatuari, Aitor Bizkarrari, puntu eta erdiko abantaila atera zion. Guztira, zortzi bertsolarik parte hartu zuten atzoko kanporaketan; Gurrutxagaz gain, Aitor Bizkarra, Sarai Robles, Jokin Bergara, Mikel Tapia, Gorka Pagonabarra, Joritz Bastarrika eta Uxue Alkorta bertsolariak aritu ziren kantuan.
Sariketaren finala Zarauzko Euskal Astearen barruan jokatuko da, irailaren 6an, ostirala, Zarauzko Modelo aretoan, eta txapelketa osoko sei bertsolarik lortuko dute bertan lehiatzea. Saio bakoitzeko bi irabazleak zuzenean sailkatuko dira, eta gainontzeko laurak puntuazioaren arabera sailkatuko dira.