Urte hasiera aldean batu zen Azpeitiko Udala Kursaal Eskura proiektura, Azkoitiko eta Zestoako udalekin batera, eta egitasmoa tarteko, Donostiako Kursaal jauregian antolatzen dituzten hainbat kontzertutara eta ikuskizunetara joateko eta handik itzultzeko doako autobus zerbitzua eskaintzen dute. Ekainaren 29an, larunbatez, eskainiko dute doako autobus zerbitzua berriz ere; izan ere, egun horretan Mendi mendiyan opera ikuskizuna izango da Donostiako Kursaalen.
20:00etan hasiko da Jose Maria Usandizaga musikagilearen opera ikuskizuna, eta hara joan nahi dutenek www.kursaal.eus webgunean erosi beharko dituzte sarrerak. Ondoren eman beharko da joan-etorria autobusean egin ahal izateko izena; ekainaren 24a izango da horretarako aukera, 943-15 70 68 telefono zenbakira deituta edo idatzi kultura@azpeitia.eus e-posta helbidera mezua idatzita. Kontzertuaren egunean, 18:45ean anbulatorio aurretik aterako da autobusa, baina autobusa antolatzeko gutxienez hamabost laguneko taldea osatu beharko da.