Zortzi bikotek parte hartuko dute biharko Sanjuandegiko VII. Trikiti Txapelketan

Uztarria.eus | Festak
2019ko mai. 31a, 09:54

Festetarako muntatuko duten karpan izango da txapelketa, 17:00etan hasita. 18 urtez azpiko zortzi bikote gaztek parte hartuko dute bertan. Agertokira igoko diren trikitilariak eta pandero-jotzaileak Azpeitikoak, Azkoitikoak, Errezilgoak, Bidanikoak, Zestoakoak eta Hernanikoak izango dira.

Iazko Sanjuandegiko Trikiti Txapelketako irudia.  Ikusi haundiago | Argazki originala

Gaur arratsaldean hasiko dira Sanjuandegiko festak, eta igandera bitartean ez da ekitaldirik faltako auzoan. XJ Auzolaneanek egunotarako antolatu dituen ekintzen artean bada zazpigarren ediziora iritsi den bat: Sanjuandegiko Trikiti Txapelketa, hain zuzen ere. Bihar, zapatua, izango da, 17:00etan, festetarako jarriko duten karpan, eta 18 urtez azpiko zortzi bikote gaztek parte hartuko dute bertan. Agertokira igoko diren trikitilariak eta pandero-jotzaileak Azpeitikoak, Azkoitikoak, Errezilgoak, Bidanikoak, Zestoakoak eta Hernanikoak izango dira.

Honako bikote hauek lehiatuko dira Trikiti Txapelketan:

1.- Araitz Etxaniz (Azkoiti, 14 urte) eta Enaitz Alberdi (Azpeitia, 13 urte)

2.- Intza Illarramendi (Zestoa, 13 urte) eta Maria Illarramendi (Zestoa, 10 urte)

3.- Leire Uranga (Zestoa, 16 urte) eta Nerea Lopetegi (Zestoa, 16 urte)

4.- Ane Urbieta (Zestoa, 13 urte) eta Iraia Korta (Zestoa, 12 urte)

5.- Ianire Segurola (Hernani, 14 urte) eta Elaia Diaz (Hernani, 14 urte)

6.- Julen Labaka (Errezil, 16 urte) eta Garazi Larrañaga (Azpeitia, 15 urte)

7.- Enaitz Alberdi (Azpeitia, 13 urte) eta Lierni Tolosa (Hernani, 16 urte)

8.- Nahia Dorronsoro (Bidania, 16 urte) eta Iraia Arteaga (Azpeitia, 16 urte)

Iazko txapelketa Legazpiko Ane Arrizabalak eta Ane Urzelaik irabazi zuten. Honako lotura honetan ikus daitezke iazko edizioko irudiak.

Informazio gehiago

Bidali:  

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu