Urrestillako Olalde industriagunean dagoen Astigarraga Kit Line enpresan sua piztu da gaur arratsaldean, eta suhiltzaileak hura itzaltzen ari dira uneotan (16:05). Ertzaintzak 15:50ean jaso du gertaeraren abisua, eta haren arabera, langile guztiak lantegitik atera dituzte, "ke handia" eragin duelako suak. Egurrezko altzariak ekoizten ditu enpresak, eta lantegiko txirbil siloak hartu du sua. Dena den, Ertzaintzak jakinarazi du inor ez dela zauritu.
Egoera kontrolpean dela adierazi dute, halaber, enpresaren arduradunek, 16:30 aldera. Suhiltzaileak siloak husten ari ziren ordu horretan.
