Atzo, asteartea, egin zuten udal hautetsiek maiatzeko udalbatzarra, eta gai zerrendako puntuetako bat izan zen 2020rako herriko jaieguna izendatzea. Udalbatzak aho batez onartu zuen datorren urtarrilaren 20a, San Sebastian eguna, jaiegun izendatzea.
Aurtengo San Sebastian eguna igandea egokitu zen, eta haren ordez, Astelehen Karnabala izendatu zuen Udalak herriko jaiegun. Datorren urtean, baina, astelehenez izango da San Sebastian eguna, eta udalbatzak hala erabakita, Azpeitian jaieguna izango da.