Gaur, maiatzak 7, maiatzeko ohiko udalbatzarra egingo dute udal ordezkariek, 19:00etan hasita, udaletxeko areto nagusian. Aurretik, 18:00etan, Gobernu Batzordeko kideek bilera egingo dute.
Honako hauek dira gaur landuko dituzten gaiak:
1.- Udalbatzak 2019ko apirilaren 1ean, apirilaren 2an eta apirilaren 30ean egindako bilkuren aktak onartzea.
2.- HAPOren Arana Ingurunea 4 HE eremuko Esklabak-Iturzulo 4.3 azpieremuan –Plan Bereziaren baitan a.20.4.3.2 partzelan babes ofizialeko etxebizitzak eta a.20.4.3.3 partzelan– udal izaera duten etxebizitza tasatuak eraikitzeko. Azpeitia Berritzen S.A.k behar duen finantzazioa onartzea.
3.- 2/2012 Lege organikoko helburuak betetzeko, Udalak Aldundiari aldiro bildatzen dion informazioaren berri ematea: Azpeitiko Udala, Azpeitia Berritzen SA eta Iraurgi Lantzen SA.
4.- Zerbitzu publikoak eskaini eta jarduera administratiboak burutzeagatik ordaindu beharreko tasen zerga-agintarauaren aldaketa: eguneko unitate zentroa.
5.- Azpeitiko Udalaren eta Dendartean elkartearen arteko hitzarmena, Azpeitiko herrian merkataritza sustatzeko.
6.- Euskarazko toki hedabideen jardunari atxikitutako dirulaguntzak: Urola Kostako Hitza, Uztartzen Euskara Elkartea eta Erlo Telebista.
7.- Azpeitiko herrian etxebizitzak alokatzeko dirulaguntza deialdia, 2019. ekitaldirako.
8.- Azpeitiko herrian merkataritza sustatzeko dirulaguntza deialdiaren oinarriak onartzea, eta 2019. ekitaldirako deialdia.
9.- Azpeitiko herrian 2020. ekitaldirako jai eguna izendatzea.
10.- Azpeitiko Udalaren 2018. aurrekontuaren likidazioen berri ematea, eta baita 2019. ekitaldirako 1. zenbakia duen kreditu aldaketarena ere.
11.- Maiatzaren 17an izango den LGTB+Fobiaren aurkako nazioarteko eguna: adierazpen instituzionala.
12.- Barne kontrolaren araudia: hasierako onarpena.
13.- Alkatetzak 2018ko abuztuan eta irailean emandako ebazpenen berri ematea.
14.- Galderak eta erreguak.