Auto batek eta txirrindulari batek istripua izan dute gaur goizean, Enparan Dorretxearen aurrean. 10:30 aldera gertatu da ezbeharra. Udaltzaingoak jakinarazi duenez, bidegorritik zihoan txirrindularia, eta zebrabidea gurutzatzen hasi denean, auto gidariak ez du ikusi; ondorioz, autoak jo egin du bizikletan zihoan gizonezkoa. Txirrindularia zaurituta eraman dute Zumarragako Ospitalera. Bi anbulantzia, suhiltzaileak eta udaltzainak bertaratu dira istripua gertatu den tokira.