Pilotazaleek hitzordu garrantzitsua izango dute otsailaren 8an, ostirala, Izarraitz pilotalekuan. Eskuz Binakako Txapelketa Nagusiako final laurdenetako bat jokatuko dute egun horretan Azpeitian Ezkurdia-Ladis Galartza eta Irribarria-Zabaleta bikoteek.
Jaialdia Ilunpe pilota elkarteak antolatu du, eta 22:00etan hasiko da. Bi neurketa ikusteko aukera izango da Izarraitzen; izan ere, txapelketa nagusiko partidaren aurretik Promozio Txapelketari dagokion beste neurketa bat jokatuko dute, eta norgehiagoka horretan izango da Jon Alberdi. Aurrelari azpeitiarrak Ugalderen eta Tolosaren kontra jokatuko du, Erasun bikote duela.
Sarrerak salgai daude dagoeneko www.entradasfronton.com webgunean. Kantxako sarrerak 25 euro ordaindu beharko dira, eta gradakoak hogei euro. Egunean bertan ere eskuratu ahal izango dira sarrerak Izarraitz pilotalekuko lehiatilan; 18:00etan zabalduko dute.