Asteburuan hasi da Euskal Herriko Kluben Arteko Pilota Txapelketaren V. edizioa, eta Ilunpeko kideek atzo, igandea, ekin zioten lehiari. Azpeitiko pilotariek Usansolokoak izan zituzten aurrez aurre, eta ezin izan zituzten Bizkaiko pilotariak mendean hartu. Senior mailako pilotariak aritu ziren lehian. Lehen partida, lau eta erdikoa, 18 eta 4 galdu zuen Gorka Iriartek, eta eskuz banakakoa ezin izan zuen irabazi Unai Salegik (11-18). Hirugarrenenean gailentzea lortu zuten Julen Egigurenek eta Daniel Murgiondok; izan ere, binakako partida 22 eta 5 irabazi zuten azpeitiarrek. 2 eta 1 bukatu zen kanporaketa, eta emaitza hori tarteko, txapelketatik kanpo gelditu da Ilunpe.
Egiguren, finalera
Azken egunotan ez dira emaitza guztiak txarrak izan Ilunpekoentzat. Izan ere, Julen Egiguren azpeitiarrak eta Gartziak Bankoa Crédit Agricole-El Diario Vasco txapelketako finalerako txartela eskuratu zuten zapatuan Eibarren. 18 eta 22 hartu zituzten mendean Agirremalloa eta Apezetxea. Finalak abenduaren 22an, larunbatez, izango dira Zarauzko Aritzbatalde pilotalekuan.