Bizikletak konpontzeko ikastaroa antolatu dute Ekoetxeak eta Azpeitiko Udalak hilaren 23rako, igandea. 10 urtetik gorako gazte eta helduei zuzendutako tailerra izango da, eta, bertan, bizikleten mekanikaren eta konponketaren oinarrizko ezagutzak jasoko dituzte.
Hilaren 23an, 10:30etik 13:30era bitartean egingo dute tailerra, Ekoetxean (Loiola auzoa, 1), eta interesa dutenek hilaren 20a baino lehen eman behar dute izena, hango 943-81 24 48 telefonora deituta. Doako tailerra izango da, eta plaza mugatuak izango ditu.