Azkoiti-Azpeitiko Silence taldeak Zoriona abestiaren bideoklipa jarri du sarean entzungai. Atzoz geroztik, YouTube, Spotify eta BandCamp atarien ikus daiteke bideoa, eta taldeak Azkoitiko eta Azpeitiko hainbat gazteren laguntza izan du bideoklipa osatzeko.
Taldeak Azkoitian emango duen kontzertuan entzun ahal izango dira Zoriona eta beste hainbat abesti. Izan ere, hilaren 21ean emanaldia eskainiko du Silencek, eta Gatibu taldearekin partekatuko du agertokia.
Joan zen apirilean, berriz, Gaztea irratiak antolatutako XXVII. Maketa Lehiaketa irabazteko zorian geratu zen taldea, eta finalaren atarian erreportajea argitaratu zuen Urola Kostako Hitzak.