Aitor Zulaikak gidatuko du Reala B taldea

Uztarria.eus | Kirolak
2018ko mar. 19a, 10:47

Atzo jakinarazi zuen Realak Eusebio Sacristan entrenatzailea kargutik kendu zuela. Haren lekua Imanol Alguacil Reala Bko entrenatzaileak hartu du, eta denboraldia bukatu bitartean Zulaika ariko da Reala B gidatzen. Sacristanekin batera utzi du kargua bigarren entrenatzaileak, baina orain arteko hainbat kidek talde telnikoan aegituko dute; horien artean da Mikel Labaka. Bigarren entrenatzailea izango da azpeitiarra.

Atzo, igandea, jakinarazi zuen Realak Eusebio Sacristan entrenatzailea kargutik kendu zuela eta haren ordez Imanol Alguacil oriotarrak zuzenduko zuela taldea. Aldaketa horiek beste zenbait ere eragin dute, hala nola Alguacilen tokia, Reala B taldearen gidaritza, Aitor Zulaika azpeitiarrak hartuko du. Denboraldi bukaera arte ariko da azpeitiarra Realeko gizonen bigarren taldea zuzentzen.

Eusebio Sacristanekin batera utzi behar izan du taldea Juan Carlos de Andres bigarren entrenatzaileak. Dena den, talde teknikoko hainbat kidek jarraituko dute; tartean da Mikel Labaka azpeitiarra. Sacristanekin hirugarren entrenatzaile izan da Labaka, eta talde berrian bigarren entrenatzailea izango da azpeitiarra.

Bidali:  

Erantzunak

Erabiltzailearen aurpegia da hau Lagun Onak Futbol Taldea | 2018-03-19 : 17:32

Pazientziaz egon behar da aukerak noiz iritsiko zain; zure trena heldu da eta aprobetxatu Aitor! Zorterik onena Lagun Onaken partetik!

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu