Zapatu honetan hasita, urtarrilak 16, Azpeitiari eragiten dioten Lurraldebusen autobus zerbitzuetan ordutegi edota ibilbide aldaketak iragarri ditu La Guipuzcoana autobus konpainiak.
Hauek dira, lineaz linea zehaztuta, aldaketak:
UK01 Azkoitia-Donostia
Autobus zerbitzuen maiztasuna handituko da: astelehenetik ostiralera orduerdiro egongo dira autobusak. Asteburuetan eta jaiegunetan ordutegi aldaketak egongo dira.
Donostiako sarrera-irteera guztiak Antiguatik egingo dira. Autobusek ez dute geldialdirik egingo Pio XII.ean (Amaran), eta San Martin 25eko geralekutik Askatasunaren Hiribideko 24ko geltokira joango dira.
Azkoitian, zerbitzu guztiak Altzibarren hasi eta amaituko dira.
UK02 Azkoitia-Tolosa
Ordutegi aldaketa batzuk egongo dira.
UK03 Azkoitia-Zarautz
Astelehenetik ostiralerako ordutegiak aldatu egingo dira, eta aurrerantzean orduero egongo dira autobusak.
Asteburuetako eta jaiegunetako ordutegiek ez dute aldaketarik izango.
UK04 Beizama-Azpeitia
Asteburuetan eta jaiegunetan autobusa Beizamara iritsiko da, ez Santutxoraino.
UK05 Zestoa-Ermua
Autobusen maiztasuna handituko da: Azpeititik Ermura ordueroko zerbitzua egongo da. Goizeko lehenengo bi zerbitzuak, berriz, Zestoatik irtengo dira.
UK45G Zestoa-Eibar (gauekoa)
Ordutegi aldaketa batzuk egongo dira.
UK06 Zumaia-Zumarraga
Ordutegietan aldaketa batzuk egongo dira.
UK46G Zumaia-Azkoitia (gauekoa)
Ez dago aldaketarik.
Ordutegi guztiak, hemen
Aipatutako linea guztietako ordutegi berriak ikus daitezke hemen.