Beñat Lizaso garaile, Lasarte-Oriako saioan

Uztarria.eus | Kultura
2015ko ira. 28a, 09:56

Atzo jokatu zen Gipuzkoako Bertsolari Txapelketako final zortzirenetako hirugarren saioa, Lasarte-Orian. Sei bertsolari aritu ziren kantuan etan Beñat Lizasok batu zituen puntu gehien. Zapatuan Azpeitian jokatu zen saioan Arkaitz Oiartzabal Xamoa oiartzuarra nagusitu zen.

Beñat Lizaso Lasarteko saioan. (Gipuzkoako Bertsozale Elkartea)  Ikusi haundiago | Argazki originala

Gipuzkoako Bertsolari Txapelketa abian da dagoeneko, eta Azpeitian eta Lasarte-Orian saio bana izan da asteburuan. Final zortzirenetako saioak izan dira bi herrietan, eta Azpeitian Arkaitz Oiartzabal Xamoa eta Lasarte-Orian Beñat Lizaso azpeitiarra nagusitu dira.

Hori dela-eta, bi irabazleak final laurdenetarako txartela eskuratu dute, eta beste 17 bertsolariak puntuazioaren arabera sailkatu dira hurrengo fasera. Azpeitian 340 bat lagun elkartu ziren Soreasu antzokian, eta 290 bat Lasarte-Oriako Manuel Lekuona kultur-etxean. Hemen, Azpeitiko saioko kronika, eta hemen Lasarte-Oriakoa.

Bestalde, Jokin Urangak urriaren 11n abestuko du Arrasaten, final zortzirenetako azken saioan. 

Bidali:  

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu