Helduen danborradan 'Bake bidean' akordioaren puntu nagusiak irakurtzea proposatu du Gernika Sareak

Uztarria.eus | Politika
2011ko urt. 14a, 18:01

Akordioaren "sozializaziotik herri aktibaziorako pausoan" prestatu duten ekimenetako bat litzateke San Sebastian bezperakoa

Udal Gobernua "ez dago inondik inora ados" proposamen horrekin, Festetako zinegotzi Jabier Altunaren hitzetan

Azpeitiko Gernika Sarea taldeak sansebastianetako helduen danborradan Bake bidean akordioaren puntu nagusiak irakurtzea proposatu du, "danborzaleek ere, bakea lortze bidean euren ekarpena egitea ahalbidetuz".

Akordioaren "sozializaziotik herri aktibaziorako pausoan" prestatu duten ekimenetako bat litzateke San Sebastian bezperakoa, Gernikan onartutako akordioarekin bat egin duten herritarren ordezkariek azaldu dutenez: "Abenduan zehar, Bake bidean akordioaren edukiak sozializatzen aritu gara. Besteak beste, 2.000 esku-orritik gora banatu dira herritarren artean. Azken batzarrean, urrats berri bat emateko unea dela erabaki da". Horrela, sansebastianetan gauzatu nahi dutenarekin batera, beste ekimen bat ere jarri dute martxan: herrian arlo ezberdinaten lanean ari direnen argazkiak ateratzea, Gernikan sinaturiko akordioari atxikimendua adieraziz. Herritar guztiei luzatu die deia Azpeitiko Gernika Sareak "euren ekarpena egin" dezaten, Bake bidean akordioari atxikimendua emanez eta edukiak zabalduz.

Uztarriak jakin duenez, Bake bidean akordioaren puntu nagusien irakurketa egitea joan den urtarrilaren 11n proposatu zitzaien danborradako taldeetako zuzendariei. Bilera horretan, elkarte eta talde bakoitzak bere erantzuna datorren asteartean, hilaren 18an, ematea adostu zuten.

Udal Gobernuaren desadostasuna

Javier Altuna Festetako zinegotziak, bere aldetik, oharra plazaratu du, Gernika Sareak San Sebastian bezperarako egindako proposamenaren aurrean bere eta EAJk osatutako Udal Gobernuaren desadostasuna agertzeko.

Udal Gobernua "ez dago inondik inora ados" proposamen horrekin, Altunaren hitzetan. "Festak azpeitiar guztionak dira; inork ez lituzke ez patrimonializatu, ez politizatu behar", gaineratu du zinegotzi jeltzaleak, "bakoitzak norbere manifestazio politikoak egiteko" urtean zehar "nahiko denbora" izaten duela argudiatuz. "Utz ditzagun festak denon gozamenerako, alderdikeria polikotik kanpo. Herria anitza da; sentsibilitate eta pentsamolde ezberdinetako jendea bilduko gara une eder horretan eta ez daukagu zatikako testu bat zer entzunik", dio Altunak, aldarria eginez: "Sansebastianak denonak dira, danborradan alderdikeria politikorik ez".

Bidali:  

Erantzunak

baalaike | 2011-01-15 : 16:01

bai danonak izengoie baño plazan bizi danak bere balkoien nahi duna jartzie re eukikou ez?
ba nik aitu detenez hori ebitatzen sayau die txapelgorriyek.
horren aurrin ze?

egiak | 2011-01-17 : 09:01

Berriz ere denon festa, Azpeitiar guztion festa, batzuen ideia politikoak defenditzeko erabili nahi dute betiko politikeroak... seriyo, pixket relajau zaitezte eta disfrutatu festa ...eta utzi guztioi festa pakien disfrutatzen....
Gainera, Azpeitiar guztiok Bake Bide horren alde gaudela suposatzea guztiz irreala da... azpaitiar guztiok alde ez egon arren hori irakurtzea besteon ideiak ez errezpetatzea da....
Badira makina bat foru,momentu eta era hobeagoak ideia politikoak defenditzeko.

herritarrak | 2011-01-17 : 09:01

Nei hamabiten tanborrak ixildu ta irakurketa politiko hori entzutiek, len pelota partiduten hamabiten partidue moztu ta errezatze zan angeluse akordatzeit. Pelotane elizeko sermoie entzunber.
Honekin ez det ez elizien eta ez hor letu nahi dezuen hori epaitu nahi, eo horren edukinik ere kritikau nahi, baño ni pelota partidue ikustea nijuenien ba horta nue eta tanborra jotzea eta ondo pasatzea nijuenien ere horta nue, ni neakute nao egunero eta urtez urte hainbeste min eman diten gurutze santu hori ikustiez, momentu hortane jesus hiltzatue ikusi ber. Ez tet uste ekimen berri horrek era hauekin jende asko erakarrikounik, gu hor tanborra jotzeko biltzegea ta, arnasie hartzeko ta ondo pasatzeko.

Loiolatarra | 2011-01-17 : 11:01

Ni ados nao aurreko hauekin.
Ezin ditugu festak politizatu. Festa Azpeitiarrena da eta Azpeitin idea askotako jendea bizi da, ezin dugu horrelako gauzarik onartu. Ezta gehiengoa alde egonda ere.
Bakoitzak bere paparrean eraman dezala nahi duen pegatina edo panfletoa.
Gora politizatu gabeko San Senbastianak!

zeatio | 2011-01-17 : 11:01

Nire ados bigarrena eta hirugarrenarekin. Ni Gernikako akordioaren testua irakurritakoa naiz eta haren alde sinadura emandakoa (naiz eta zenbait punturen epeltasuna ez gustatu, adostasunaren alde men).
Hala ere ez zait iruditzen ez tokia eta ezta ere kontestua mezu politikoa irakurtzeko edo aldarrikatzeko. Guztion festa da eta festa bera lasai bizitzen ere ikasi beharko dugu behingoz edo hobeto esanda, berriro.

aimar | 2011-01-17 : 12:01

Meatxuak desagertzea, bizitza eskubidea bermatzea, eskubide zibil eta politikoak errespetatzea eskatzea, politika egitea al da? Edo oinarrizko giza eskubideak errespetatzea eskatzea da?
Bizi dugun gatazka politikoa gainditu eta konponbidearen bidean urratsak egiteko guztiz beharrezkoa da gizartearen inplikazioa, bakoitzak bere urratsa ematea, zergatik ez eman urrats hori herritar guztiok biltzen gaituen ospakizun batean?
Eta azkenik, ertzaintza plazako etxeetan etxe-etxe hainbat ikur kentzeko esanez ibiltzea ez al da festak politizatzea eta militarizatzea?
Gernikako sareko kideek beraien iritzi artikuluan esan bezala, momentu historiko baten aurrean gaude, ez dezagun aukera hau galdu, eman dezagun bada herritar orok bake bidean urratsa!

haritzetxaniz | 2011-01-17 : 12:01

Momentu politiko hauetan ezinbestekoa ikusten dut guztion konpromezua areagotzea. Herritarrok ere eremu desberdinetan gure ekarpena egin dezagun, Instituzioak urratsak ematera behartzeko. Politikoek ere ikusi dezatela jendarteak gatazka konpontzeko gogoa duela behingoagatik. Guztiz ados Enekoitz, Kamino, Iban eta Mirenek egindako gogoetarekin. Bake bidean…egindezagun bidea.
Bake bidean

aimar | 2011-01-17 : 17:01

egiak | 2011-01-18 : 00:01

Aimar, bakea eskatzea herritar guztion nahia da, baina "bak bidea" akordioa politika da zeren eta bake bide horren alde ez gaude danok. Bake bide ezker abertzale bat da hori, ez bake hutsa, bake beharrezkoa. Lelo bat nahi duzu "ETA desagertu", hauen desagerketa bai da bakea lortzeko bide bakarra. Batzuk horren alde ez daudenez, ez al da hobe egun batez politika alde batera utzi eta festa disfrutatzea?

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu