Esan beharrean gertatuta

Ramon Etxezarreta (Eusko Jaurlaritzako Hizkuntza Politikarako sailburuordea) | Iritzia
2009ko abe. 16a, 11:12

Ramon Etxezarreta Eusko Jaurlaritzako Hizkuntza Politikarako sailburuordeak artikulua idatzi du El Diario Vasco-n Egunkaria auziaz. "Urduri, kezkati, larri... Egunkaria auziaren desosegua. Orduan, itxi berri hartan atera zen 'Egunero'-n eskatu zidaten artikulua berrirakurri dut eta hitzez hitz ematen diot balioa ia zazpi urte beranduago".

"Gutako zenbaiti esan balitzaigu orain ez dakit zenbait urte, Egunkaria-ren hasi aurretiko garai haietan hain juxtu, edo hasita gaurdainoko beste edozein egunetan, gauden honetan egingo genuela topo eta daukagun jarrera daukagula, ez genuen sinestuko esaten ari zitzaigun hori burutik ez zegoenik. Bai zera!

Haserretu egin gaituzte, guztiz haserretu gaituzte, ezin irudika ahalako dorpezia politikoa erabiliz eta gero eta nabarmenagoak susmatzen ziren asmo politikoak erabiliz. Haserre bat ahazteko, ez adiskidetzeko, beste haserre handiago bat piztea baino modu hoberik ez dagoela pentsatzen duen jendea instalatu zaigu gure gobernuetan eta nagusitu zaigu gure gizartean.

Eta ez da gauzak konpontzeko era haserreak eragindako itsumenez eta mendeku gogoz egitea. Ez biderik hoberena behintzat.

Asko ginen, orain hori ezkutatzea koldarkeria litzateke, mesede baino kalte gehiago egingo lukeen koldarkeria, asko, komunikabide horrekin etengabeko haserrean bizi ginenok, bere orrialdeak irakurrita, geure giza komunitatetik bidaliak edo expultsatuak sentitzen ginenok. Eta isilarazi egin gaituzte. Aznarrek erabaki digu kritika hori debekatzea, euskal jendea entzungor bilaka arazi du.

Asko ginen, hala ere, euskararen normalkuntzaren historia amaierarik gabekoan, euskal literaturan emandakoaz salbu, gertatu den pausorik nabarmenena, sendoena eta garrantzizkoena dela esaten genuenak. Hori esatea ere debekatu egin digute. Atxekimendu susmagarriegia litzateke batetik eta euskal jendeak hori baino gehiago ulertzeko arriskua legoke bestetik.

Asko ginen geure herritartasuna sendotzeko norbere ñabarduretan, askotan ez oso ondo ulertuetan, oinarrituta aritzen ginenok eta 'ñabardurak kanpora' oihukatuz nahaspilatu egin gaituzte. Zer ikusirik izan nahi ez genuenok elkarrekin nahasarazi eta batu gaituzte. Iraindu egin gaituzte Marca, As, eta Mundo Deportivo-ko irakurleekin kalera irtenaraziz, bertsolaritza eta literatura konfundituz, telebistak eta errealitatea korapilatuz, euskara eta sentimentu politikoak elkarrekin urtuz, euskararen baitan klaseak eta kategoriak, pertsona ezberdinak azken finean, badaudela ukatuz, euskararen unibertsoak gaitzetsiz...

Asko ginen geure botere publikoen eta bera sostengatzen duten alderdien komunikabideen politika lotsagarria iruditzen zitzaigula pentsatu eta esan nahi genuenak eta ez digute betarik eman horrretarako, denbora eta aukera kendu digute. Hor jarraituko dute euskarazko komunikabideekiko atxekimendua aho txikiarekin eskatuz eta erdarazko komunikabideen negozioetan esku handia sartuz.

Asko ginen nazionalismoaren jokaera gai hauetan eskizofrenikoa zela pentsatzen genuenok eta aitzakia bat eman diote lehentasunezko zeregin bat, zeregin guztiz justifikatua noski, eduki dezan. Lanera moteilak!

Demokraziagatik, euskaragatik, zer esanik daukagula uste dugun guztion duintasun pertsonalagatik, elkarbizitzaren gutxien gutxieneko bategatik, orain bai Euskaldunon Egunkaria ezinbesteko dugula. Indarkeriarik gabe, torturarik gabe noski.

Esan gabe neukan inoiz, esan beharrik ez neukan, esan ere ez nuen egin nahi. Beharrean gertatu naiz, jarri naute...".

---

Ramon Etxezarretak Egunero-n 2003ko martxoaren 7an idatzi zuen. Donostiako Udalean PSE-EEko zinegotzia zen orduan, Euskara eta Kultura batzordeburu.

Bidali:  

Erantzunak

Xebaxtian | 2009-12-16 : 13:12

Gogoratu nahi diat, zazpi urte geroago Guardia Zibilak torturatzen jarraitzen duela. Donostiako zenbait neskei egindako sexu gehiegikerien salaketa jaso diagu orain gutxi. Gaur ez duk Aznar presidente, Zapatero baizik. Hire kamarada bat, hire alderdikide bat. Eta hi ez haiz militante xume bat, afiliatu soil bat.
Eta tortura salaketak gezurra direla uste duenak esplika dezala zergatik bere burua Entzutegi Nazionalean aurkeztera doan gaztea bat atxilotua eta inkomunikatua den.
Hemen torturatu egiten da PSOEk horrela erabakia duelako.

JoxeJoxe2 | 2009-12-16 : 15:12

Hori dek Xebastian, Ramon bezelako pertsonan babesik eztiau behar. Nahiko indar bazeukeau holakoik gabe geure burue defenditzeko.

Haizeaburuan_ | 2009-12-16 : 16:12

Xebaxtianekin ados nago. JoxeJoxe2k dioenaz, berriz, nahiko indar badugula gure burua defendatzeko... nahi nuke baina ez dut uste horrela denik.

JoxeJoxe2 | 2009-12-16 : 17:12

Ironia deitzen dek.

jaione | 2009-12-16 : 18:12

Kontxo, Joxejoxe2, beste batzutan injustiziak garbi salatzeko(kondenatzeko?) azkar esaten duzu ba!? Orain Etxezarretaren babesa, datorren bezalaxe, nahikoa zaizu? Benetan uste al duzu PPren ordez PSOE egon izan balitz etzituzztela inputatuak torturatuko? Benetan uste al duzu Etxezarreta parte den partiduak eta gobernuak eztuela torturatzen? Ba beste batzutan eskatzen duzuna eskaiozu honi ere. Horrelakoekin ikusten da zure "inpartzialtasuna" "objetibotasuna" "injustizia guztiak salatzearena".... gezurretakoak direla
Eta Ramon Etxezarreta, EZTAUKAZU LOTSARIK!

JoxeJoxe2 | 2009-12-17 : 09:12

jaione,
Adibide bat jarriko dizut, ezker abertzaleko batek adibidez esango balu ez dagoela ados borroka armatuarekin, ez nioke lepoara saltatuko esanez ezdakit zein alderditakoa dala eta aderdi hortakoek ezdakit zer egiten dutela. Alderantziz , poz hartuko nuke.

Xebaxtian | 2009-12-17 : 10:12


Ramon Etxezarreta:
"Demokraziagatik, euskaragatik, zer esanik daukagula uste dugun guztion duintasun pertsonalagatik, elkarbizitzaren gutxien gutxieneko bategatik, orain bai Euskaldunon Egunkaria ezinbesteko dugula. Indarkeriarik gabe, torturarik gabe noski."
Donostiako azken atxilotuetako bat:
"Espainiar poliziek gerritik gora biluztu ninduten, bularrak ukitu eta miazkatu zizkidaten, baita muxuak eman ere"
1- Nik ez diat esan noren babesa behar dugun eta gutxiago norena behar ez dugun.
2- Ramonen idatzitik bereziki torturaren inguruan egiten duen aipamenari erantzun zioat, gogora ekarriz bere alderdia polizien arduradun nagusia den garaiotan torturak bere horretan diharduela.
Beraz, Ramonek Egunkaria babesten badik ezin zaiok ezer esan beste ezerren inguruan.
+ Ertzaintzak Gernikan herritar bat eskaileretatik botatzen dik, baina ez esan ezer Ramoni, berak Egunkaria babesten dik eta.
+ Preso baten bikotea kontrol batean gelditu eta baso batera eraman dik Guardia Zibilak, baina ez esan ezer Ramoni, berak Egunkaria babesten dik eta.
+ Mila kilometroko bidea egin ondoren senideak bisitak galtzen ari dituk, tartean beraien umeak miatu nahi dizkiatelako. Baina ez esan ezer Ramoni, berak Egunkaria babesten dik eta.
+ Legez kanporatzeen ondorioz eta PPren babesarekin EAEko lehendakari Patxi Lopez jarri diate, eta Ramon Etxezarreta Hizkuntza politikarako Sailburuorde. Baina ez esan ezer Ramoni, bera kide den gobernua guztiz zilegia duk eta gainera Egunkaria babesten dik.

Xebaxtian | 2009-12-17 : 11:12

Zer nahi duk, gertatzen ari den guztiarekin Ramoni eskerrak ematea gainera?
Nahiko gora allau dek holako indisziplina nabarmenak eukitzeko. Demokratikotik gutxi dauken Gobernu bateko kide izetea, alegiye.

JoxeJoxe2 | 2009-12-17 : 11:12

Nik uste diat Ramon Etxezarretan babesa ez dezutela batzuk behar bezala baloratu. Aurreneko momentutik irten zian operazio haren kontra. ETAren parte omen zen Egunkaria haren aldeko manifestaziora joan huan.
Oso gutxitan ikusi dizkiat nik horrelako alderdiarekiko indisziplina nabarmenak bere printzipioak alderdiaren gainetik jarrita.

IrekiAteak | 2009-12-17 : 14:12

Ramon, torturatuen garraxiek lo egiten uzten aldiate?
Ziur baietz, azal gogor askoa eginda baituk onezkero.
Baino berandu baino lehen eroriko duk zuen gaztelua. Gazelu handiagoak erori izan dituk, eta harroxko ibili zaretenok historiako liburuetara pertsonaia makabro bezala pasatuko zarete.
Eta bi artukulu way-k ez haute libratuko!!

IrekiAteak | 2009-12-17 : 14:12

Egunen batean gure herrira justizia iristen bada, Ramon espetxeratua izan beharko du.
7000 euskaldun torturatu dira azken 40 urtean, horietatik 4500 inguru PSOE agintzen egon den urte gogorretan. Zifra hauek CRIMENES CONTRA LA HUMANIDAD bezalako delitu konsideratzeko modukoak dira, eta Ramon errudun zuzena da.
Eta hemen way-arena egiten ez du inor engainatuko. Niri Ramonek Rudolf Ares-ek baino nazka handiagoa ematen dit, zeren guzti hau PSOEren estrategiaren barruan dago. PSOEko jende batek bere diskurtsoarekin espainiarzale gogorrak erakartzen dituzte, eta Ramonek, bere diskurtsoarekin, euskal eremuetako jendea. Baina helburua PSOEk ahalik eta babes gehien izatea da, azken finean TORTURAK, ESPETXEAK, DEBEKUAK, EUSKERAREN ZAPALKUNTZAK ETA ETORKIZUNA ERABAKITZEKO ESKUBIDEAREN UKAZIOAK babesa izatea.
Ramon,

Oruam | 2009-12-17 : 15:12

Ramon Etxezarretak, eta bera kide den partiduak torturen kupa ba dute, zeinek du orduan ETAk hildakoen kulpak?
Beste batzuek lasai lo egiten dute herritar bat etxetik gertu akatu zutenean?????

atsaldez | 2009-12-17 : 19:12

Oruam, huts indek nere iritziz!!
Batek eztik bestie kentzen.
Ta ni xebaxtianekin ados. Hitz polittek ezituk nahiku herri honen gaitz danakin ahazteko. Barru barrutik ertetzezitek, "Ramon, hik daukek azala!!".

jaione | 2009-12-17 : 20:12

Joxejoxe, mila buelta emango dizkiozu kontuari, baina neureari eutsiko diot. PSOEkoei, meatxupean daudelata adierazten diezun elkartasun keinu bakoitzarekin eztuzu eskatzen tortura, GAL eta beraiek egiten dituzten injustizia guztiak kondenatzeko eta alderantziz, bai. Presoak, senideak edo antzeko zerbait aipatu orduko hor ateratzen zara, bai, baina ETA hor dago...Eta iruditzen zait zure helburu bakarra denekin ondo gelditzea dela, politikoki zuzena izatea, eta holako gauzak. Baina holako gauzek batzutan eztute balio izaten... Nik ramonen elkartasun adierazpenak adarjotze moduan hartzen ditut.Berak ederki daki non dagoen. Bera makina haundi horren parte eztaba!

JoxeJoxe2 | 2009-12-18 : 09:12

Jaione,
Nik "baina ETA hor dago" ez det esaten, baizik "ETA hor dagoen bitartea alperrik ari zarete/gera".

jaione | 2009-12-18 : 10:12

Ba horixe ba, joxejoxe, horixe ba: Tortura ere hortxe dago bizi-bizirik. GALena ahaztea komeni bada, zuk ahaztu. Esan nahi dut Etxezarretari horiek gogorarazteko beharrik eztuzula sentitu, eta, beste aldekooi berriz besterik eztiguzula egiten, biktimak aitatzen direnean, presoak aitatzen direnean... Aukerarik eztuzula galtzen. ETAk hor dirauen bitartean ezin omen dugu ezer egin. Torturak dirauen bitartean zu lasai joango zinateke Etxezarretaren ondoan Egunkaria defendatzen. Ze uste duzu, Zapatero egon izan balitz etzituztela torturatuko Martxelo ta besteak?

JoxeJoxe2 | 2009-12-19 : 10:12

jaoine,
Nik dauzkadan lagunen erdiak edo ezker abertzalekoak izango dira ta apustu egingo nuke hauek ETA askoz gehiago onartzen dutela Ramonek GAL baino, ta ez naiz horregatik egukariaren aldeko manifestaziora hauekin joan gabe geldituko.
Ta Ramon ikusiko banu eguna joan eta eguna etorri esanez zein injustoak garen Goardia Zibilarekin eta zein sensibiidade gutxi daukagun ,ez dagoela eskubiderik hemen gorroto ditugun bezala gorrotatzeko, azken finean pertsonak direla eta abar esanaz, ba esango nioke, bai Ramon , ondo ari haiz, baina Goardia zibilak torturatzen jarraitzen duen bitartean alperrik ari haiz.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu