Gaur, ostirala, eta bihar palaz pilota partidak jokatuko dituzte Izarraitz pilotalekuan. Gaur, seniorretako bigarren mailakoen norgehiagokak dira, 20:00etan hasita. Aurrena, Real Sociedad 2 Altzatarren aurka jardungo da eta, ondoren, Ikasberrik Girizia 1en kontra jokatuko du bigarren partida.
Bihar, aldiz, seniorretako lehen mailakoek jokatuko dituzte partidak, Izarraitz pilotalekuan, 17:00etatik aurrera. Aurrena, Ikasberri Altzatarren aurka jardungo da eta gero, Gazteleku 2 Oiangu 2ren kontra ariko da.