EAJ-EA koalizioak lortu du babesik handiena, 4.907 botorekin

uztarria | Politika
2005ko api. 17a, 21:04

  • EHAK alderdiak 2.059 boto lortu ditu eta bigarren indarra da Azpeitian
  • Abstentzioa %25,28koa izan da
  • Azpeitiko datu guztiak eta botoen bilakaera dokumentu batean (pdf, 33 kb)

Azpeitiko emaitzak

Azpeitiko emaitza ofizialek, boto gehien EAJ-EA alderdien koalizioak lortu dituela adierazten dute, guztira 4.907. 2001eko datuekin alderatuta 1.341 boto gutxiago.

EHAK-k 2.057 lortu ditu, eta bigarren indarra izango litzateke. Ondoren PSE-EE (429), Aralar (332), PP (393) eta EB (201) geratu dira, hurrenez hurren.

Adierazpenak

Azpeitiko alderdi ezberdinetako iritziak jaso dira (Ezin izan dugu Manoli Uranga PSE-EEko zinegotziaren iritzirik jaso). Honakoak dira:

Alex Etxeberria (Azpeitiko EAJko lehendakaria): "Partaidetza %10ean jaitsi da Azpeitian, horrek esan nahi du gure botoemaile asko ez direla joan bozkatzera. EHAK-k 100 bat boto irabazi ditu, baina oraindik ez da iritsi su-etenaren aurretik zituen boto kopurura. Guretzat garrantzitsuena herriaren %60a, gehiengo bat, EAJ-EAren alde dagoela da. Guk lanean tinko jarraituko dugu eman diguten konfiantza hori mantentzeko".

Julian Unanue (Azpeitiko EAko lehendakaria): "Gu gustora gaude Azpeitian izan dugun emaitzarekin. Garbi ikusten da, azken finean boto abertzaleak ez direla jaitsi. Kontua da abertzaleon artean alderdi batek galtzen dituenak besteak irabazten dituela, hala gertatu da guk galdu ditugunekin".

Julia Tercero (PPko zinegotzia): "Momentu zail bat pasatzea tokatu zaigu,baina hemen zaplasteko handiena EAJ-EAk koalizioak jaso du. Galtzaile nagusiak EAJ-EAkoak izan dira gaurkoan, ea orain zeinekin elkartzen diren boterean jarraitzeko. Ez dute erraza izango".

Xanet Esnaola (Azpeitiko Batasuna): "Balorazio oso ona egiten dugu, emaitzak agerian uzten dute ilegalizazio saiakerak gaindituak gelditu direla. Azken urteotan, eta bereziki azken 4 urteotan, ezker abertzalea desagertaraztearen saiakerak porrot egin du. Ez hori bakarrik, eraso handi hau gainditzean gainera, indartuta irten gara. Orain irekitzen den prozesu berri honetan zer pentsatu eta zer egokitu badaukate ilegilazazioa praktikan jarri duten alderdiek: EAJ-EA, PSOE, PP, Aralar.

Lurdes Agirrezabal (Aukera Guztiak): Oso gustura nago EHAK-k lortu dituen emaitzekin. Guk ez dugu aurkezterik izan ilegalizatu egin gaituztelako. Hala ere, guk genuen filosofia hartu du beste alderdi txiki batek. Oso emaitza onak lortu dituzte hauteskunde hauetan. Gutxienez, pentsamolde guztiak ordezkatu ahalko dira Gasteizko parlamentuan.

Udaleko estrapolazioa

EAEko hauteskunde hauetan Azpeitian izan diren emaitzak balizko udal hauteskundeetara eramanez gero, kontuak hauek lirateke:

EAJ-EA: 11 zinegotzi.

EHAK: 5.

PSE-EE: 1.

Gaur egun, Habea baliogabetua kontuan hartuko balitz, EAJ-EAk 13 lituzke, Habeak 4.

Emaitza orokorretan ere EAJ-EA koalizioak lortu ditu boto gehien. Ikusi emaitzak hauteskundeen web gune ofizialean.

EAEko hauteskundeak Azpeitian

Datu guztiak dokumentu batean bildu ditugu. Orain arteko EAEko Legebiltzarrerako hauteskundeetako emaitzak, gure herrian, eta alderdiek izan duten bilakera grafika batean.

PDF dokumentu honetan dauzkazue datu hauek guztiak (33 Kb)

Azpeitiko emaitzak (boto kopurua)

Urtea 1980 1984 1986 1990 1994 1998 2001 2005
Errolda 9.199 9.402 9.834 10.172 10.583 11.162 11.226 11.256
Botoak 5.730 6.627 7.326 6.733 6.485 8.536 9.460 8.411
Abs. 3.469 2.775 2.508 3.439 4.098 2.626 1.766 2.845
Nuloak 58 22 73 17 29 31 21 12
Zuriak 9 28 25 43 87 49 25 44
Balekoak 5.663 6.577 7.228 6.673 6.369 8.456 9.414 8.355
EAJ 3.372 4.102 1.995 2.326 2.329 2.978

EA

2.817 2.041 1.779 1.625

EAJ-EA





6.248 4.907
HB-EH 536 936 1.216 1.250 1.425 2.722 1.952
EHAK





2.057
ARALAR





332
EE 645 531 509 349



PSE-EE 216 488 430 420 328 395 392 429
PP-AP 105 374 187 240 377 587 614 393
IU-EB

3 8 126 117 187 201
CDS

50 9



UCD 284






Bes. 505 146 21 30 5 32 21

Datu horiek ehunekotan (%)

Urtea 1980 1984 1986 1990 1994 1998 2001 2005
Errolda








Botoak 62,29 70,49 74,50 66,19 61,28 76,47 84,27 74,72
Abs. 37,71 29,51 25,50 33,81 38,72 23,53 15,73 25,28
Nuloak 1,01 0,33 1,00 0,25 0,45 0,36 0,22 0,14
Zuriak 0,16 0,42 0,34 0,64 1,34 0,57 0,26 0,52
Balekoak 98,83 99,25 98,66 99,11 98,21 99,06 99,51 99,34
EAJ 59,54 62,37 27,60 34,86 36,57 35,22

EA

38,97 30,59 27,93 19,22

EAJ-EA





66,37 58,34
HB-EH 9,46 14,23 16,82 18,73 22,37 32,19 20,74
EHAK





24,48
Aralar





3,95
EE 11,39 8,07 7,04 5,23



PSE-EE 3,81 7,42 5,95 6,29 5,15 4,67 4,16 5,01
PP-AP 1,85 5,69 2,59 3,60 5,92 6,94 5,52 4,67
IU-EB

0,04 0,12 1,98 1,38 1,99 2,37
CDS

0,69 0,13



UCD 5,02






Bes. 8,92 2,22 0,29 0,45 0,08 0,38 0,22 0,43

Azpeitiko emaitzak (mahaiz mahai)

Mahaia

EAJ-EA

EHAK

Aralar

PSE-EE

PP

IU

Balio gabe

Zuria

Aitonena

371

161

34

24

24

11

3

0

Ludoteka A

312

157

37

29

29

16

0

5

Ludoteka B

181

98

17

15

14

8

0

2

Udaletxea A

420

172

24

26

28

17

0

5

Udaletxea B

246

103

19

18

19

7

1

0

Betharram A

422

173

22

36

34

18

0

4

Betharram B

264

128

23

24

21

11

1

0

Oktogonoa A

433

128

27

26

34

16

1

2

Oktogonoa B

304

75

15

24

28

8

1

2

Ikastola A

309

198

16

70

28

22

1

4

Ikastola B

222

108

23

76

39

14

0

3

Bonberoak A

351

135

22

7

9

7

0

2

Bonberoak B

236

73

10

3

16

3

0

2

Urrestilla

304

82

11

3

7

8

1

1

Ikastola A

284

136

16

20

27

20

3

7

Ikastola B

248

132

16

28

36

13

0

5

Guztira

4.907

2.059

332

429

393

199

12

44

Boto ofizialen %

%58,34

24,48

%3,95

%5,10

%4,67

%2,37

Bidali:  

Erantzunak

EAJ-EAren PORROTA | 2005-04-18 : 10:04

Azpeitian boto asko jaso dituzte, egia da. Baina orain dela 4 urte baino 1100 boto gutxiago jaso dituzte. Eta Baskongadetan, zer esango dugu ba! Nahiz atzo gauean Ibarretxe irribarrez gainezka azaldu, ondo asko daki(te) hauteskunde hauetan kale egin dutela. Honela uler daitezke (ez justifikatu!!) azkenengo bi asteetan EAJ-EA inguruko politikari batzuek EHAKren aurka erabili izan duten pozoina. Eta orain zer? Je, ni behintzat momentua gozatzen hasi naiz. Lehenengo aldia bait da, PNV bi bideren arteko hautua egitera fortzatuta aurkitzen dela (nahi baduzue, bidegurutze famatua deitu). Abertzale garenontzat komenigarria da bakoitzak bere jarrera eta apustuak zintzotasunez adieraztea. Eta orain arte, PNVk ez du argi adierazi herriari "ZER" galdetu behar zion. "ZER" zen erabakigarria: burujabetza ala autonomia handiagoa? Orain, burujabetzaren alde egiteko aukera badu, EHAKrekin. Eta autonomiaren alde egiteko aukera ere bai, PSErekin. Interesgarria izan daiteke PNV barruan egon daitekeen leiak eman dezakeena.

adi | 2005-04-18 : 15:04

Adi
Lehengo ostiralean Uztarriak atera zituzten datuak ikusirik, abertzaletasunaren gainbeherakada nabaria ikusten da, eta atzokoan, tendentzia berdina ikusi da, zer gertatzen da? 80. hamarkadan 52-23 izatetik (EE abertzale kontsideratzen zen) orain 39-36 ra pasatu gara. Beti abertzaleak gehiengo bagina bezala hitzegiten dugu, bainan hala al da?? Denok dakigu EAJ abertzale eta autonomistez osaturik dagoela...
Nere partetik zorionak, Aralar, EHAK eta PSEri.

epa | 2005-04-18 : 21:04

Normala abertzaliek beherantz jutie, PNV bezelako ejenplo penagarri bat eukita. Baino guk aurrea inbeiau, ta zorionak EHAK!!! politikero inpresentable oyei buruko min pixkat ematie lortu diau.

3.neai | 2005-04-18 : 22:04

Momentu hontatik aurrea EHAK-kuek e "politikeruek" izengoituk ba??

Herria aspertu egin ote? | 2005-04-19 : 10:04

ETA ren biolentziaz, bere sateliteen xextras, dena puskatu behar horrekin, bat espertu egiten da. Jendea nazkatu egin da. Aspermen horren ondorioa da.
Gogoratzen naiz 1970/75 garaietan abertzaletasuna %75 izango zen. eta kalean batasuna, elkartasuna nabari zen. Diktadura zegoelako noski.
Ondoren herritarrak beteta, ittota, gaude. Herriak pakea behar du, inguru positiboa,eraginkorra, eta ez puskatzailea, biolentoa, negatifoa.
Ondorioga nabaria da: 42/33 eta hurrengoan españolistak garaile, bide hontatik jarraituz gero. Tentuz ibili.

Edo.. | 2005-04-19 : 13:04

Egia da aspertzeko modukoa dela, hilketak, txikizioak...
Baina, herria aspertu da ere hitz usteletaz. Egingo ez den erreferenduna saltzeaz, independentzia ohiukatu eta espainiari begira egoteaz, hainbat euskal herritar kartzeleratuak izateaz, torturaz, zapalketaz, ilegalizazioaz, hilketaz (hemen ere)...
Kontua da zergatik jarraitzen duen ETA-k. Erantzuna, besteek ez diutelako egin behar dutena eta esaten dutena egiten. ETa nire ustez ETA-k ere badaki ez dabilela bide honetik. Nork du gogoko beste norbait hiltzea? nork hartuko luke esperientzia hori beretzat? inork ez.
Zergatik, ETAri kontuak eskatzen ibiltzeaz gain, ez zaio Espainiari inolkao presiorik egiten. Ez al lukete hobe presoak Euskal Herrira ekartzea? Horrela ETA-k beste pauso bat emango luke bakebidean (nik uste gogoa baduela, eta emateko prest agertu dela azkenaldian).
Baina, benetan nahi al du PPk, PSOEk eta batik bat PNVk hori gertatzea. Ez!

herria aspertuta | 2005-04-19 : 13:04

5.arekin erabat ados.

5.ari | 2005-04-19 : 16:04

"Gogoratzen naiz 1970/75 garaietan abertzaletasuna %75 izango zen", esan duzu. Bai EE zaku horretan sartzen baduzu, eta EEk orduan 100.000 boto zituen, %10 inguru zen. Ikusi duzu non bukatu duten EEkoek: poltronero batzuek EAJn, eta boto-emaile gehienek PSE-EEren altzoan eta EBrenean. Beraz, orduko %75 hura ez zen osorik abertzalea.
"Kalean batasuna, elkartasuna nabari zen. Diktadura zegoelako noski". Bai, eta orain ere Espainiaren aldetik demokrazia gabezia handia da: ilegalizazioak, egunkariak itxi, torturak... eta EAJtik-eta zergatik ez dago elkartasun hori ezker abertzalearekiko?
"Ondorioa nabaria da: 42/33, eta hurrengoan españolistak garaile, bide hontatik jarraituz gero. Tentuz ibili", diozu. Eta txarra izango al da "españolistak" garaile eskainuetan baina gobernuan PSE-EE, EArekin, ezker abertzalearekin-eta egotea, eta EAJ oposizioan?

ETA zertarako dago? | 2005-04-19 : 18:04

"besteek ez diutelako egin behar dutena eta esaten dutena egiten"... beste lekuetan partidu batek zuk idatzia egiten badu botua ematea uzten zaio eta kitto, hemen tiroka hasten gara... normala ote?
Gañera ETAk dionez Euskalerriaren burujabetza defendatzen du, zapaterok esan du euskal herritarren bi herenek esana onartuko duela... orain zer aitzaki du orduan ETAk armak ez usteko?

8.GOARI | 2005-04-19 : 22:04

GARAI ARTAN EE ZUEK BAIÑO ABERTZALEAGO ZAN

8-ri- Bostgarrenak | 2005-04-20 : 10:04

Nere iritziz kaltegarria izango litzake sure aukera hori. zeren herriaren gehiengoak bein eta berriro EAJ-EA koalizioa indartzen ari da ("herriaren nahia errespetatu").
Gainera zure aukera hori ez dut posible ikusten gaur gaurkoz. Matematikoki posible da baño borondaterik ez dago, EAn batipat.
Gaur ez dago elkartasunik ez ezker abertzaleekin, ez eskubi españolarekin, biak biolentzia erabiltzen dutelako bere oinarrizko estratejian. Hori da arrazoia, eta jakina, bide horretan ezin elkartu.

10.ari 8.ak | 2005-04-20 : 10:04

Zer "zuek" baino abertzaleago? Zein dira "zuek" horiek? Zeinetaz ari zara? Kanpotik egindako azterketa zen nirea.

biolentzi zeinek? (II) | 2005-04-20 : 12:04

datu bat emango dizut: lehengo astean, Algortako hiru gazte kargurik gabe aske utzi zituen Madrilgo Audientzia Nazionalak. Hiru gazte horiek 2na urte pasa dituzte kartzela. Ezetz asmatu zeinek atxilotu zituen? bai, txapelgorriek, inongo frogarik gabe. Eta horrelako kasuak hamarnaka aurki ditzakegu. Kasualidadez? ez, erabaki politioen ondorioz.

biolentzia zeinek? | 2005-04-20 : 12:04

Hamabigarrenak dio "Gaur ez dago elkartasunik ez ezker abertzaleekin, ez eskubi españolarekin, biak biolentzia erabiltzen dutelako bere oinarrizko estratejian". Joño! eta PNVk? Nire ustez, PNV da azkenengo urteetan biolentzia politikoa gehienetarikoa erabili duena. Urtean dira ezker abertzaleak kale borrokaren estrategia baztertu zuenetik. Hura han gelditu zan. Baina PNVk ertzaintza erabili du politikoki, helburu bakar batekin: ezker abertzalea mapatik desagertaraztea. Eta hori ikusten ez duenak, ikusi nahi ez duelako da. Manifatan parte hartzeagatik multak, kartelak pegatzen dabilen jendeari jazarpena, kontrol soziala, atxiloketak. Hau dena, zer uste duzu, kasualidadez gertatzen dela? Erabaki politikoak daude atzean. Baina dirudienez helburua ez dute bete. Pozten naiz.

alex etxeberriari | 2005-04-20 : 13:04

Hasieratik gezurretan bagabiltza, errealitatea eta nahia nahasten, ez goaz inora edozein analisi serio egin behar badugu. Galdetu Urdaziri bestela. "Herriaren %60a, gehiengo bat, EAJ-EAren alde dagoela"diozu. Gauza bat igandean botoa eman zuenaren gehiengoak EAJ-EAri botoa ematea da eta beste gauza bat "herriaren gehiengoa". Soziologo txarrenak ere badaki abstentzioa kendu behar duzula, eta "herria" berez, 18 urtetik beherakoa ere badela. Gainera, hala ere, botoa eman duten %60a ere ez du lortu EAJ-EA koalizioak.
Horixe duzue txarra politikook: mozkortu egiten zaretela emaitzekin. Errealitatea, zorionez, ez da uste duzuen bezain sinplea.
Harrokeria gutxiago, beraz, eta ardura gehiago egiten duzuen lanean. Kudeatzaileak zareten neurrian hori zor diozue-eta, "herriari".

8ak esan du gertatu daitekeena | 2005-04-20 : 18:04

8ak esan du, nire ustez, ezker abertzalearen esperantza eta ametsa: EAJ oposiziora, eta ezker abertzalea, PSOE eta EA agintzen... ( "Eta txarra izango al da "españolistak" garaile eskainuetan baina gobernuan PSE-EE, EArekin, ezker abertzalearekin-eta egotea, eta EAJ oposizioan?" 8ak esandakoa...)
Eta hori dena ezker abertzaleak EHAK hauteskundetara aurkezteko (pozten naiz) PSOEkin egin duen paktoaren ordaina da... Catalunya ez dago hain urruti!! Ondo iruditzen zait, baino gutxiagotik EAJkoei "españolak" deitzen diozue

ARALAR | 2005-04-20 : 19:04

Iritzi edo zerbait ezberdina esanez, Aralar partidu berria zoriondu eta ongi etorri bat eman behar diogula uste dut. Beti aberasgarria iruditzen zait dibertsitatea gizarteko alor guztietan eta baita politikan ere. Besatalde, minduta sentitzen naiz partidu honen aurka ikusi ditudan pintadez euren propanganda elektoralaren aldamenean edo gainean-aipatu Azpeitin ez dudala horrelakorik ikusi, baina bai beste herri batzuetan-. Aralar etsaitzat edo traidoretzat ikusten duen orok, zergatik sortu den hausnartu behar luke eta nola ez, errespetatu. Zoritxarrez, euskaldunak askotan hori egiten dugu: Nerekin zaude edo etsaia zara.
Besterik gabe, ongi etorri eta animo!!

Aralarrek lortu duen babesa | 2005-04-20 : 20:04

Patxi Zabaletak behin: "Batasuna botoz hustu egin behar dugu". Beste behin: "Berdintasunean lehiatu behar gara Batasunarekin hauteskundeetan, haiek ere legez aurkeztuta".
Ondorioak: 1. Ia Aralar geratu da hutsik, botorik gabe. 28.000 boto, oso boto gutxi dira. %2,3 dira, besterik ez. 2. Batasuna prozesuan, Patxi Zabaletaren tesiak %10 ingururen babesa jaso zuen, eta esaten zen: ba, baina hori ,militantzian, ze ezker abertzaleko boto-emaileen artean gehiago du, eta ikusiko da hauteskundeetan; eta ikusi da, 28.000 boto baino ez. EHAK-k 150.000, ezagutzera eman eta dozena bat egunera!, Batasuna bera aurkeztu izan balitz egon seguru boto gehiago lortuko zituzkeela —logikoa da; jo beste 15.000 boto; eta hori, oso baldintza txarretan—, eta orduan, Aralar ezker abertzaleko boto-emaileen artean %14 da, besterik ez. Eta EA lehen aldietan aurkeztu izan zenean (EAJtik irtenda) eta CDN ere (UPNtik irtenda), biek batez bestean askoz kopuru handiagoa lortu zuten euren base sozialaren artean. Eta harrezkero, jaisten joan dira.

epa | 2005-04-20 : 21:04

EHAK-EA-Iu-ARALAR TA PSOE BATU TA PNV ETXEA BIALTZIE IZENGOLITZEKE ONENA. 25 urtin soluziyoik eman eztiguna etxea bialdu ta formula berri bat proatzie izengolitzeke egokiyena. ta PNV española dala etziok ukatzeik. ta ez konparau herri batasunakuk o EHAKkuek politikeruekin, oso desberdiñek dituk eta.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu