Piztiak eta Trini Fox taldeek kontzertua eskainiko dute bihar, ostiralean, Azpeitiko ikastolaren 50. urteurrenaren harira, Azpeitiko Ikastola Karmelo Etxegaraik antolatutako egitarauaren baitan. Uztarria Komunikazio Taldeak kontzerturako bi sarrera zozkatuko ditu bazkideen artean. Kontzertuak 23:00etan hasiko dira, Sanagustin kulturgunean.
Uztarriak bi sarrera ditu zozketatzeko, eta kontzerturako sarrerak eskuratu nahi dituenak galdera honi erantzun behar dio: Nola du izena Piztiaken azken diskoak?
Erantzunak uztarriazozketak@gmail.com helbidera bidali behar dira, parte hartzen duen bazkidearen izen-abizenak eta harremanetarako telefono zenbakia emanez. Bihar, ostirala, 11:00k baino lehen bidali behar dira erantzunak.
Ostiralean bertan jakinaraziko ditu Uztarria Komunikazio Taldeak saridunen izenak, Uztarria.com-en. Sarrerak non eskuratu saridunei zuzenean adieraziko zaie; horregatik, ez ahaztu telefono zenbakia ere jartzea, harremanetarako.
Salgai daude kontzerturako sarrerak Sanagustin kulturgunean edo Interneten. Sarrera bost euro ordaindu beharko da.
Lehiaketa gehiago datozen asteetan
Uztarria Komunikazio Taldeak gisa honetako lehiaketa gehiago egingo ditu datozen aste eta hilabeteetan, eta beraz, bizkor ibili eta egin zaitez Uztarriako bazkide! Horretarako klikatu hemen eta abantaila ugariz gozatu ahal izango duzu.