Atzo auto istripuz hil ziren hiru gazteen aldeko hileta elizkizuna bihar, asteartea, izango da Errezilgo Martin Deunaren parrokian. Hildakoetako bat 19 urteko azpeitiarra zen eta beste biak, 29 eta 30 urteko errezildarrak. Autoan zihoan laugarren gaztea, 28 urteko urrestildarra, Donostiako ospitalean dago, femurra eta aldaka hautsita, baina arriskutik kanpo dagoela jakinarazi dute.
Azpeitiko, Errezilgo eta Zestoako udalek ohar bateratua kaleratu zuten atzo, igandea, auto istripuan hildako eta zauritutako lau gazteen ingurukoei babesa adierazteko. Gainera, Azpeitiko eta Errezilgo udalek dolu eguna izendatu zuten atzokoa.