Guardia Zibilaren nahaste-borrastea

EAE-ANVren kontrako epaiketa ari dira egiten aste honen hasieratik Madrilen, Espainiako Auzitegi Nagusian —EHAKren aurkakoa ere bai—, eta guardia zibil perituak ez dabiltza oso fin akusazioak egitean. "Beldurragatik" karguari uko egin dioten zinegotzi "asko" daudela zioen haietako batek herenegun (asteazkena), eta adibide bat Azpeitikoa dela esan zuen. Iñigo Iruin defentsa abokatuak esan zion "kasu" hori ez zela Azpeitian gertatu, baizik eta Azkoitian —aurreko legealdian Baterako hautetsi batek bere kabuz utzi zuen kargua, ezker abertzaleko plataformako kide bati lekua egitearren—.