Azpeitiko Kultur Mahaia

 

'Zarautzen erosi nuen' eta beste zazpi lan ikusteko aukera, bihar, Soreasun

Erabiltzailearen aurpegia Azpeitiko Kultur Mahaia | 2015-03-26 : 12:27 | Kultura

Laburbira euskarazko film laburren zirkuitua Azpeitian izango dugu bihar. Zortzi film labur ikusteko aukera izango da 21:30etatik aurrera Soreasu Antzokian, 3 euroren truke. Haien artean Zarautzen erosi nuen lana ...

"Nafar estatua berreskurateko bidea" aztertuko dute gaurko 'Gogoetaola'-n

Erabiltzailearen aurpegia Azpeitiko Kultur Mahaia | 2015-03-23 : 16:34 | Kultura

Galdera bat izango dute gaur mahai gainean Azpeitiarron Napar Zuzterrek antolatutako Gogoetaola-n Baigeran biltzen direnek: "Euskaldunok, subjektu politikoa den nafar estatua berreskuratzeko zer bide egin?". Laugarren Gogoetaolaizango dute gaur, martxoko laugarren astelehenez. "Norberaren burujabetzatik herriaren burujabetza berreskuratzeko trebaketa tailerrak" dira Gogoetaola-k.

Txomin Uribe: "Disko ezberdina da, akustikoagoa, balsa dago, countrya… Eta, hala ere, gu izaten jarraitzen dugu"

Erabiltzailearen aurpegia Azpeitiko Kultur Mahaia | 2015-03-18 : 10:20 | Kultura

Aurreneko diskoa atera zutenetik 25 urte pasatu direnean diskoa kaleratu dute Piztiak taldekoek. Azpeitian bizi da taldearen arimetako bat: Txomin Uribe; eta 15 urtez taldea utzita egon ostean, disko honetan berriz elkartu zaie Jesus Galan azpeitiarra. Apirilaren 24an aurkeztuko dute diskoa Berria-k eta Badok.infok antolatutako Loraldia jaialdian. Txomin Uribek berak erantzun die Uztarria.eus-en galderei.

 

Hirugarren 'Gogoetaolan' nazioa, lurraldea, autodeterminazioa eta subjektu politikoa aztergai

Erabiltzailearen aurpegia Azpeitiko Kultur Mahaia | 2015-03-16 : 12:43 | Kultura

Hirugarren astelehena du gaur martxoak, eta hirugarren Gogoetaola egingo dute, Azpeitiarron Napar Zuzterrek antolatuta.  "Norbearen burujabetzatik herriaren burujabetza berreskuratzeko trebaketa tailerrak" dira Gogoetaolak, eta martxoko astelehen guztietan egingo dituzte, 20:30etik 21:45era, Baigeran. Gaur, galdera zehatz bat izango dute aztergai: "Nola ulertu eta adierazten dut nik neuk zer lotura duten lau termino hauek elkarren artean? Nazioa, lurraldea, autodeterminazioa, subjektu politikoa". Ateak zabalik ditu joan nahi duen orok.

Solaserako tenorean

Erabiltzailearen aurpegia Azpeitiko Kultur Mahaia | 2015-03-13 : 10:45 | Kultura

Oro har bi hilean behin hontaz eta hartaz jende ezagun eta euskaldunarekin solasean aritzeko helburuarekin sortu zen Aho bizarrik gabe zikloa, duela bi urte. Kalitateko eta prestigioko saioak euskaraz antolatzea Azpeitian, horixe asmoa. Gaizka Garitanoren saioarekin bukatu da zikloa. Hamabi protagonista izan dira, eta, batez beste, 90 lagun egon dira saioko, beti Sanagustinen. Hemen laburpenak. (antolatzaileak: Azpeitiko Kultur Mahaia, Sanagustin kulturgunea, Uztarria Komunikazio Taldea, Erlo Telebista eta Urola Kostako Hitza)

 

»» Erantzunak: 1 (Uztarria)

Bizkaiko dantzak taularatuko ditu Itsasik igandean

Erabiltzailearen aurpegia Azpeitiko Kultur Mahaia | 2015-03-13 : 09:56 | Kultura

Azken urteetan urteroko zita bihutzen ari da Itsasi taldeak Sanagustin Kulturgunean egiten duen dantza saioa. Urte osoko prestaketaren ostean herritarren aurrean beren lana erakusteko duten aukeretako bat izaten da. Igandean izango da aurtengo emanaldia, 19:00etan. Bizkaia maite goiburupean lurralde horretako dantzak eskainiko dituzte, batik bat; eta bigarren zatian taldeak sortutako koreografia berriak ere taularatuko dituzte.

 

Bidali galdera Gaizka Garitanorentzat

Erabiltzailearen aurpegia Azpeitiko Kultur Mahaia | 2015-03-09 : 12:49 | Kultura

Bihar, asteartea, Sanagustin Kulturgunean izango dugu Gaizka Garitano Aho Bizarrik Gabe solasaldietan. Ander Ugarte kazetariak jarriko dizkio puntuak, baina, zuk ere baduzu aukera. Bidali zure galdera, helbide honetara: ahobizarrikgabe@gmail.com. 19:00etan izango da solasaldia, eta aurretik egindakoek bezala, ordubete inguru iraungo du.

Gaur, bigarren saioa 'Gogoetaolak'

Erabiltzailearen aurpegia Azpeitiko Kultur Mahaia | 2015-03-09 : 12:47 | Kultura

Gogoetaola, "norbearen burujabetzatik herriaren burujabetza berreskuratzeko trebaketa tailerren" bigarren saioa izango da gaur, Azpeitiarron Napar Zuzterrek antolatuta, 20:30etik 21:45era, Baigeran. Gaur bi galdera izango dituzte mahai gainean: "Nola adierazten dut nik neuk? Independentzia, burujabetza, subiranotasuna, erabakitzeko eskubidea, autodeterminazioa?" da aurrena; eta honakoa bigarrena: "Zerk ipiniko ninduke ni martxan? Gu, hau da, euskal nazioa izaten jarraitzea bermatzeko, geuk, hau da, subjektu politiko kontsideraziotik, erabakiak hartuta eskutik zaintzeko, bitarteko nagusia den Nafar Estatua berreskuratzeko bidean?". Norberak bere iritzia ematea da asmoa, eztabaidatu gabe, bestea epaitu gabe.

Martxoko mutxikoak, igandean, Olazko Amaren plazan

Erabiltzailearen aurpegia Azpeitiko Kultur Mahaia | 2015-03-05 : 15:55 | Kultura

Martxoaren 8an tokatu da, Emakumeen Nazioarteko egunarekin batera, mutxikoak dantza jauziak egiteko saioa. Eguraldi ona iragarrita dagoenez, kanpoan egingo ditugu, aspaldiko partez. Herriko plazan ezin, eta Olazko Amaren plazan egingo ditugu, 12:00etatik 13:30ak aldera. Gerturatu ikustera eta dantzara!

 

Martxoko astelehenetan 'Gogoetaola' tailerra antolatu dute Azpeitiarron Napar Zuzterrek

Erabiltzailearen aurpegia Azpeitiko Kultur Mahaia | 2015-02-27 : 11:01 | Kultura

"Norberetik burujabetza aktibatzeko trebaketa tailerra" antolatu dute Azpeitiarron Napar Zuzterrek. Gogoetaola izena jarri diote, eta martxoko astelehenero egingo dute 20:30etatik 21:45era, Baigeran. "Herritarren burujabetza" aktibatu nahi dute, "herriaren burujabetza" lortzeko. Honela definitu dute beraiek: "Taldeka gogoeta egiteko gunea da. Iritziak, esperientziak eta gogoeta pertsonalak partekatzen dira independentzia pertsonaletik. Herriaz, herritar soil batek nahi duena esan eta bestearena entzuten trebatzeko, eztabaida eta epaiketa bazterturik".

Labar arte paleolitikoko grabatuak topatu ditu Antxieta Arkeologia Taldeak

Erabiltzailearen aurpegia Azpeitiko Kultur Mahaia | 2015-02-25 : 14:45 | Kultura

Zestoako Erlaitz haitzuloan labar arte paleolitikoko grabatuak topatu dituzte Antxieta Arkeologia Taldeko kideek. Duela 22.000 eta 15.000 urte bitartekoak dira grabatuak, eta Danbolinzulon egindako aurkikuntzaren ondoren inguruak berrikusten ari zirela topatu zituzten. Ikerna Badiola Kulturako Diputatuak nabarmendu du, "Zestoa inguruetan dagoen kultur paisaia berria modu zabal eta bateratuan babesteko beharra" dagoela.

 

Gaizka Garitano, Aho Bizarrik Gabe, martxoaren 10ean

Erabiltzailearen aurpegia Azpeitiko Kultur Mahaia | 2015-02-24 : 12:36 | Kultura

Gaizka Garitano Eibar futbol taldeko entrenatzailea eta futbol jokalari ohia Sanagustin julturgunean izango da, martxoaren 10ean (asteartea), 19:00etan, Aho Bizarrik Gabe solasaldian. Futbol talde txikia da Eibar, baina Garitanoren eskutik iritsi da handienekin batera Espainiako Lehen Mailan jokatzera. Ibilbide hori eta beste izango dira hizketagai Ander Ugarte kazetari azpeitiarrak gidatuko duen saioan. Zure galdera bidalai nahi badiozu, idatzi ahobizarrikgabe@gmail.com helbidera.

 

Jesus Tapia: "Antxieta Arkeologi Taldearengatik ez balitz, ez genuke bailarako ondarearen zatirik handiena ezagutuko"

Erabiltzailearen aurpegia Azpeitiko Kultur Mahaia | 2015-02-20 : 12:56 | Kultura

Hezurren Egia proiektuaren gidaritzan ari da Jesus Tapia Aranzadi Elkarteko Arkeologoa. Hala ere, berak argi dauka, proiektua Antxieta Arkeologia Elkartearena da, haiek urteetan ixil-ixilik egindako lanaren fruitua. Bailarako bost udalek eta Gipuzkoako Diputazioak elkarlanean egin duten proiektua da Hezurren Egia. Aurreneko hitzaldiak-eta egin dituzte, baina luzerako proiektua da. Helburua, Antxietakoek egindako aurkikuntzak bistaratu, eta bailarako ondarea ezagutzera ematea da. Xehetasunen berri eman digu Tapiak.

 

Otsaileko Mutxikoak dantza jauziak bertan behera gelditu dira

Erabiltzailearen aurpegia Azpeitiko Kultur Mahaia | 2015-02-04 : 17:36 | Kultura

Hilero egiten ditugu Mutxikoak dantza jauziak, beti bigarren igandez. Otsailean, ordea ez ditugu egingo. Hilaren 8a tokatzen da bigarren igandea. Karnabal aurreko igandea izanik, Azpeitiko Musika Bandak eta Argazki Elkarteak urteroko kontzertua eskainiko dute Sanagustin Kulturgunean, eguerdian. Kanpoan dantzarako girorik izango ez denez, eta herriko taldeek elkarri zor dioten errespetua aintzat hartuz, hil honetan ez ditugu dantza jauziak egingo. Hala, ez dira herriko taldeen bi kultur ekitaldi egun eta ordu berean egingo. Hurrengo saioa, martxoaren 8an egingo dugu, beraz.

Sanagustin bete jende Urolako gizakiaren jatorriaren peskisan

Erabiltzailearen aurpegia Azpeitiko Kultur Mahaia | 2015-02-04 : 11:25

Interesa sortu zuen Hezurren Egia programaren barruan atzo Sanagustin Kulturgunean egindako hitzaldiak. Aretoko aulki guztiak bete ziren jendez, eta bildutakoek interes handiz jarraitu zituzten agertokian izan ziren hiru arkeologoen azalpenak ...

Nola eboluzionatu du gizakiak Urola bailaran?

Erabiltzailearen aurpegia Azpeitiko Kultur Mahaia | 2015-02-02 : 10:31 | Kultura

Nolakoak ziren gure arbasoak? Urola bailaran ezagutzen diren lehen biztanleak duela 300.000 eta 10.000 urte bitartekoak dira. Baina, nolakoak ziren gizakiak orduan? Nola egiten zuten bizimodua? Eta, hori baino lehenago, noiz eta nola sortu zen Urola bailara geologikoki? Ur azpian metatutako material multzotik, nola osatu zen Euskal Herria? Galdera horien eta gehiagoren erantzuna, gaur, asteartea, 19:00etan, Sanagustin Kulturgunean izango da. Izan ere, Hezurren Egia programaren barruko lehen hitzaldia emango dute Martin Arriolabengoa EHUko geologoak, Alvaro Arrizabalaga EHUko irakasle eta Aranzadiko Arkeologoak, eta Maria Jose Iriarte Ikerbasqueko ikerlaria, EHUko irakaslea eta Aranzadiko Arkeologoak. 

Kultur Mahaia, kultur antolaketarako eredu

Erabiltzailearen aurpegia Azpeitiko Kultur Mahaia | 2015-01-31 : 13:47

Hainbat herritan sortu du jakin mina Azpeitiko Kultur Mahairen antoketa moduak: Kulturari buruzko herri mailako erabakiak nola eta non hartu?; kultur mugimenduak nola hartu parte kultur politiketan?; herriko kulturaren norabidea ...

Kulturgintza aztergai, Kultur Mahaiaren parte hartzearekin

Erabiltzailearen aurpegia Azpeitiko Kultur Mahaia | 2015-01-28 : 12:05 | Kultura

Topagunea Euskaltzaleek Elkarteak urtero antolatzen ditu Topaldiak, eta aurten, Kulturgintza hartu dute gai nagusitzat. Herrietako kultur esperientziak izango dituzte hizpide, Durangon, 'Kultur komunitate bizia: zein da eragile euskaltzaleon egitekoa?' goiburupean. Azpeitiko Kultur Mahaia han izango da, bere esperientziaren berri ematen.

Kultur Mahaiaren parte-hartzearekin, kultur mugimenduak aztergai, 'Azpimarra'-n

Erabiltzailearen aurpegia Azpeitiko Kultur Mahaia | 2015-01-22 : 17:42 | Kultura

San Sebastian bezperan herrietako kultur mugimenduen antolatzeko moduak izan zituzten aztergai ETB1-eko Azpimarra saioan. Azpeitiko Kultur Mahaiko ordezkari Kepa Urbieta eta Zarauzko Kultur Mahaiko ordezkari eta kultur zinegotzi Gari Berasaluze ...

Azpeitiko Kultur Mahaia 'Azpimarra'-n, gaur

Erabiltzailearen aurpegia Azpeitiko Kultur Mahaia | 2015-01-19 : 09:19 | Kultura

Herrietako kultur mugimenduak nola antolatuta dauden aztertuko dute gaur ETB1eko Azpimarra saioan. Horretarako, esperientzia zehatz batzuen berri jakin nahi dute, bertatik bertara, beraz, Azpeitiko Kultur Mahaia gonbidatu dute, besteen artean. 16:15etik aurrera izango da saioa.

Emaitzak: 413 | Orriak: 1 2 3 4 ... 18 19 20 21