Izena eman duten 193 entitate horiek 300 barne-arigune identifikatu dituzte; hau da, ohiko dinamika duten eta kide guztiek gutxienez euskara ulertzen duten entitate barneko taldeak. Kanpo-ariguneei, hots, herritarrek entitatearekin euskaraz komunikatzeko gaitasuna duten guneei dagokienez, entitateek bermatu dute 248 gunetan herritarrak ahobizi edo belarriprest batek artatuko ditutela. Orotara, 1.789 pertsonak osatzen dute ariguneotako sarea.
Ondoko estekan ikus daiteke Euskaraldian izena eman duten Azpeitiko 193 entitateen zerrenda.
Orain, norbanakoak
Orain norbanakoen txanda da; horretarako, sartu www.euskaraldia.eus webgunean, eta eman izena. Bertan, zeure rola (ahobizi edo belarriprest) zehazteaz gain, hainbat datu eskatuko zaizkizu; bete formularioa eta erregistratu.
Internetetik kanpo ere eman ahal izango da izena Euskaraldiaren bigarren ediziorako. Ordenagailuekin hain ondo moldatzen ez diren herritarrek izango dute aukera azaroaren 20a bitartean kalean izena emateko.
Bitartean, adi egon eta parte hartu antolatuko diren ekimenetan. Badakizue, egin euskaraz gehiago, gehiagorekin eta gehiagotan!