Azoka Herritik-ek eskainiko dituen salmenta postu eta ikuskizunen artean, Azpeitiko Argazki Elkarteak parte hartuko du erakustaldia/tailerra emanez. Light painting (argiakin margotuz) deitzen den teknikaz ariko dira eta goiko irudian ikusten diren moduko argazkiak nola lor daitezkeen erakutsiko dute. Iluntasuna behar denez, Izarraitz frontoian emango dute —barrura sartzeko Sanagustin haur parkeko atea egongo da zabalik—.
Tailerra doanekoa da eta edonork parte har dezake. Gainera, inor animatzen bada galderak egiteko eta argazkiak ateratzeko aukera ere izango du. Guztiok zaudete gonbidatuta. Ostiral honetan, irailak 20, Izarraitz pilotalekuan, 22:00etan.
Argazki Elkartea. Sorrera: 1984. / Argazkiaren arloan Euskal Herriko elkarterik zaharrenetakoa da Azpeitikoa. Bere ibilbidean hainbat ekitaldi antolatu du: rallyak, lehiaketak, ikastaroak. / azpeitikoargazkielkartea.com / Informazio gehiago: azpeitikokulturmahaia.com/taldeak