Alaves taldeak ez dio kontratua berritu Jagoba Beobide (Azpeitia, 1987) futbolari azpeitiarrari, eta horrenbestez ez du Alavesen jokatuko hurrengo denboraldian. Guztira lau denboraldi egin ditu Beobidek talde arabarrarekin; 2B eta 2. mailan aritu da, eta joan den maiatzean lehen mailara igo zen.
Klubak ostegunean jakinarazi zion erabakia futbolari azpeitiarrari. Alaveseko zaleek babesa eta esker hitzak eskaini dizkiote Jagoba Beobideri sare sozialetan, eta azpeitiarraren profesionaltasuna eta umiltasuna azpimarratu dute.