Oihana Goenagari harrera egingo dio Azpeitiko Udalak zapatuan, uztailak 18, 19:00etan udaletxean. Izan ere, joan den larunbatean junior mailako Espainiako Txapelketa irabazi zuen Izarraitz elkarteko igerilari azpeitiarrak, 200 metro libre proban.
Juniorrek eta absolutuek asteburuan jokatu dituzte igeriketako Espainiako Txapelketak, Bartzelonan. Lau azpeitiar igerilari izan dira bertan lehiatzen: Oihana Goenaga, Ainhoa Goenaga, Jon Aizpuru eta Aiora Beristain.