Hilabetean behin Azpeitiko Udal Liburutegiak eskaintzen duen zerbitzua da. Urrestillako balio anitzeko gelan, 17:30etik 19:00ak arte, liburutegiko liburu, pelikula eta bestelako dokumentuak maileguan hartzeko aukera izango da.
Serigrafia tailerra eskainiko dute Naiarteko Alaitz Alberdik eta Mikel Alberdik, martxoaren 1etik 25era. Asteazkenetan 18:00etatik 20:00etara, eta zapatuetan 9:00etatik 13:00etara izango dira saioak, Dinamoan edo Naiarten. Martikulazioa 20€ izango da eta otsailaren 24a baino lehen eman behar da izena dinamoa.eus atarian. 15 lagunek parte hartu ahal izango dute gehienez.