Herri Eskolak antolatu ditu Azpeitiko IAk abenduaren 6rako

Erabiltzailearen aurpegia
Azpeitiko Ikasle Abertzaleak (IA) antolakundeak Herri Eskolak egingo ditu ostiralean, Espainiako Konstituzioaren Egunean. IAko kideek abenduaren 6a jaiegun arrotza dela iritzita antolatu dituzte Herri Eskolak ostiralerako, eta formakuntzarako tartea hartzeko aprobetxatuko dute. \ \ Azpeitiko Ikastola Ikasberrin elkartuko dira, 11:00etan. Bertan, autodefentsa sareen garrantziaz hausnartuko dute, solasaldi-tailer formatuan. Heziguneetan identifikatzen dituzten arazoak mahaigaineratu, eta horiei erantzuteko elkarrekin antolatzeak duen garrantziaz egingo dute gogoeta. Era berean, hizpide izango dituzte azken urte honetan autodefentsa sareek aurrera eraman dituzten borrokak eta lortutako helburuak.

Uztarriak hainbat berrikuntza egin ditu bai webgunean, bai aldizkarian, eta zuen sostengu ekonomikoa behar du aurrera egiteko. Euskaraz, kazetaritza egiten segituko dugu, zuzentasunez eta zehaztasunez, eta zuek bide horretan lagun izatea nahi dugu. Elkarren beharra dugu!


Izan zaitez Uztarriako bazkide