Politika

'Kataluniako prozesua: eta orain zer?' hitzaldia antolatu dute hilaren 23rako

Uztarria.eus | 2018-11-16 : 09:16 | Politika

Begotxu Olaizola ANC Euskal Herria elkarteko koordinatzailea gonbidatu du Naziogintza Taldeak solasaldirako. Baigerako aretoan jarri dute hitzordua, 19:00etan.

Iñaki Errazkini eta Ainhoa Intxaurrandietari babesa agertzeko adierazpena adostu dute udal ordezkariek

Uztarria.eus | 2018-11-14 : 15:48 | Politika

Azpeitiko Udalbatza osatzen duten EH Bilduren eta EAJren ordezkari guztiek sinatu dute adierazpen adostua. Azpeitiko alkate eta Ingurumen diputatu ohiari eta GHKren lehendakari ohiari "babes pertsonala eta solidarioa" eman dizkiete. Atzoko Bozeramaileen Batzordean onartu zuten mozioa.

Iñaki Errazkinen aldeko babes adierazpenaren eztabaida atzeratu egin dute

Uztarria.eus | 2018-11-07 : 11:18 | Politika

Atzoko udalbatzarrean ziren Iñaki Errazkin Azpeitiko alkate eta Ingurumen diputatu ohiari babesa agertzeko mozioa eztabaidatzekoak, baina gaia ez zuten landu, Udaleko bi alderdiek ez zutelako testua onartzeko adostasunik lortu. Horrenbestez, datorren asteartean Bozeramaileen Batzordea deituko dute, eta han eztabaidatuko dute adierazpenaren edukiez.

Sarean ikusgai daude 'Pasaiako Badia' dokumentalaren bertsio guztiak

Uztarria.eus | 2018-11-05 : 16:08 | Politika

Euskarazko bertsioa EITBren Nahieran webgunean ikus daiteke; eta Oinatzak Produkzioaken Youtubeko kanalean, berriz, gaztelaniazko, ingelesezko zein frantsesezko azpidatziekin ikus daiteke dokumentala; laster alemanezko azpidatziak ere gehituko dizkiote. Dokumentalak izandako "harrera ona" azpimarratu dute egileek.

Nagore Alkorta izango da EH Bilduren alkategaia datozen udal hauteskundeetan

Uztarria.eus | 2018-10-30 : 20:22 | Politika

Azpeitiarra Zuzenbidean lizentziatua da, eta Azpeitiko Udaleko administrazio orokorreko teknikaria eta giza baliabideen arduraduna da. EH Bilduk azaldu duenez, Alkortak "eskarmentua" du udal kudeaketan, eta EH Bilduren "aniztasuna" islatzen du. Zerrendaburuak adierazi du Azpeitia bezalako "herri integratzaile eta ireki" baten aldekoa dela, eta EH Bilduk urteotan egindakoaren bidean jarraitzeko asmoa agertu du. Proiektu berriei ekiteko "gogoz" aurkeztuko da hauteskundeetara.

'Hitza eta ekintza' jardunaldiak antolatu dituzte Azpeitiko eta Zestoako Gaztetxeek azarorako

Uztarria.eus | 2018-10-30 : 11:35 | Politika

Hiru solasaldiko hitzaldi sorta prestatu dute gazte asanbladek, Euskal Herriko 70. eta 80. hamarkadetako mugimendu autonomoa, nazio auzia eta klase borroka ardatz hartuta. Azpeitiko Gaztetxean hasiko dira jardunaldiak larunbatean, 1966-70. Etxebarrieta anaien garaia hitzaldiarekin. Emilio Lopez de Adan Beltzak eskainiko du solasaldia, 11:00etan hasita.

GHK-k helegitea jarriko dio Errazkin eta Intxaurrandieta errugabetu dituen epaiari

Uztarria.eus | 2018-10-29 : 16:26 | Politika

Gaur egin dute ez-ohiko batzarra GHK-ko kideek, eta PSE-EEren eta EAJren aldeko bozekin (%55,6) onartu dute Espainiako Kontu Auzitegian helegitea aurkeztea. Erabakiak berarengan eta bere familiarengan izan dezakeen eraginaz ohartarazi du Intxaurrandietak batzarrean, nahiz eta ez den GHK-ko kide gaur egun. EH Bilduko ordezkariek agerraldia egin dute batzarra hasi aurretik, eta horiek azaldu dutenez, "ulertezina" izateaz gain, "arduragabekeria politikoa" da mendekuaren bidea hartu izana.

Udal hauteskundeetako alkategaia aurkeztuko du bihar EH Bilduk, herritarren babesarekin

EHBilduAzpeitia | 2018-10-29 : 08:44 | Politika

Egun seinalatua da biharkoa EH Bildurentzat, eta oinarriei dei egiten die parte hartzera koalizioak 19:00etan Baigeran egingo duen batzar irekian eta 20:00etan azoka plazan izango den aurkezpen ekitaldian. Atzo itxi zen alkatetzarako proposamenak egiteko epea.

Mendekuaren bidean jarraitzea "guztiz ulertezina eta arduragabea" da, Gipuzkoako EH Bilduren arabera

Uztarria.eus | 2018-10-26 : 11:37 | Politika

Atzo jakinarazi zuen GHK-k helegitea jarri nahi diola Iñaki Errazkin Ingurumen diputatu ohia eta Ainhoa Intxaurrandieta Gipuzkoako Hondakinen Kontsortzioko (GHK) presidente ohia errugabetu zituen Espainiako Kontu Auzitegiaren epaiari. Erabakia salatu du EH Bilduk, eta esan du aurrerantzean ere gipuzkoarren interesen defentsa izango dela bere eguneroko jardunaren zutabea.

• Errazkin eta Intxaurrandieta errugabetu dituen epaiari helegitea jartzea aztertuko du GHK-k (Erantzunak: 1)

Errazkin eta Intxaurrandieta errugabetu dituen epaiari helegitea jartzea aztertuko du GHK-k

Uztarria.eus | 2018-10-25 : 12:46 | Politika

GHK-k astelehenerako ez-ohiko batzarra deitu du, eta litekeena da EAJk eta PSE-EEk helegitearen aldeko boza ematea. GHK-k epaia aztertzeko txosten juridikoa egin du, eta uste du "argudio garrantzitsuak" daudela errekurtsoa aurkezteko. Kontu Auzitegiak urrian errugabetu zituen bi lagunak, eta ebatzi zuen erraustegiaren proiektua "gaindimentsionatuta" zegoela.

»» Erantzunak: 1 (PelloAlkorta)

Orkatzen saldutakoa da Orain Presoak zozketaren sari nagusia

Azpeitiko Sare Herritarra | 2018-10-23 : 17:49 | Politika

26253 da zenbaki sariduna, eta irabazleak bi lagunentzako Cariberako itsasbidaia eskuratuko du. Zenbakiaren jabeak bi asteko epea du saria jasotzeko.

'Orain presoak' manifestazioarekin bat egin dute Urola Kostako LABeko delegatuek

Uztarria.eus | 2018-10-19 : 18:58 | Politika

"Gatazkaren konponbidearen bidean beharrezko eta lehentasunezko pauso gisa ulertzen dugu preso politikoen aferarekin bukatzea", adierazi dute, bihar Donostian egingo den mobilizaziorako dei eginez.

Oraindik eman daiteke izena Orain Presoak dinamikak zapaturako deitu duen manifestaziora joateko

Uztarria.eus | 2018-10-17 : 11:24 | Politika

Izen-ematea zabalik dago, eta Orkatzen egin daiteke. Urriaren 20ko mobilizazioa Donostian izango da, eta 17:00etan irtengo da Donostiako Antiguoko tuneletik.

Iñaki Errazkin: "Bakoitza bere tokian jarri du sententzia honek"

Berria.eus | 2018-10-12 : 11:00 | Politika

Espainiako Kontu Auzitegiak babestu egin du errauste planta gelditzeko haiek hartutako erabakia, eta horrek "poztu" eta "lasaitu" egin ditu EH Bilduko agintari ohiak. Espero dute ebazpenak balio izatea azpiegitura horren aurkako mugimendua indartzeko. Berria.eus-ek Errazkinekin eta Intxaurrandietarekin hitz egin du.

• Errazkinek eta Intxaurrandietak "herritarren interesen alde" jokatu zutela azpimarratu du EH Bilduk
• "Pozez" hartu du Azpeitiko Gaztetxeak Errazkinen aldeko ebazpena Azpeitiko Gaztetxie
• Iñakik eta Ainhoak bezala, politika zintzoa egiten jarraituko du EH Bilduk EHBilduAzpeitia
• Errazkinen eta Intxaurrandietaren aldeko ebazpena eman du Espainiako Kontu Auzitegiak (Erantzunak: 1)

Errazkinek eta Intxaurrandietak "herritarren interesen alde" jokatu zutela azpimarratu du EH Bilduk

Uztarria.eus | 2018-10-11 : 15:52 | Politika

Gipuzkoako koalizioko kideek eta Ingurumen diputatu ohiak eta GHKren presidente ohiak Espainiako Kontu Auzitegiaren ebazpenaren balorazioa egin dute gaur, EH Bilduren Gipuzkoako egoitzan. Koalizioak EAJri eta PSE-EEri dei egin die, "auzibidea eta mendekua" alboratu eta afera "gipuzkoarrekin batera" bideratu dezaten. Errazkinek eta Intxaurrandietak jasotako babesa eskertu dute.

Errazkinen eta Intxaurrandietaren aldeko ebazpena eman du Espainiako Kontu Auzitegiak

Uztarria.eus | 2018-10-10 : 17:07 | Politika

Apirilaren 12an epaitu zituzten Madrilgo Espainiako Kontu Auzitegian, GHK-ko egungo zuzendaritzak bien aurkako salaketa jarri ondoren. 2013an Zubietako erraustegiaren lanak gelditzeak "eragindako kalte ekonomikoagatik", 46 milioi eurora arteko zigorra eskatzen zuen akusazioak bi auzipetuentzat.

»» Erantzunak: 1 (Gabiriko Pablo)

Azpeitiko EH Bilduk hautes zerrendak osatzeko prozesu parte-hartzailea abiatuko du datorren astean

Uztarria.eus | 2018-10-10 : 13:47 | Politika

Koalizioak astearterako jarri du hitzordua, 19:00etarako, Baigerako aretoan, eta prozesuaren oinarriak eta epeak azalduko dituzte bilkuran. Herritarrek aukera izango dute proposamenak egiteko eta koalizioaren egiturak landutako zerrendei eta herri programari ekarpenak egiteko, nahiz horiei onespena emateko. Eneko Etxeberria alkateari eskerrak eman dizkio EH Bilduk, bi agintaldiotan egindako lanagatik.