Kultura

Sanagustin Dantzaleku egitasmoa izango da gaur gauean kulturgunean

Uztarria.eus | 2019-12-13 : 08:21 | Kultura

Areto dantzak egiteko aukera izango da kulturgunean, 23:30etik aurrera. Besteak beste, salsa, bachata, kizomba eta txa-txa-txa doinuak jarriko dituzte bertan.

»» Erantzunak: 1 (Gabiriko Pablo)

Uztarriak zozkatu ditu Green Valley taldearen kontzerturako sarrerak

Uztarria.eus | 2019-12-12 : 17:40 | Kultura

Ruben Aranburu eta Juan Aranaga bazkideentzat dira zapatuan 22:30etik aurrera Sanagustin kulturgunean izango den musika emanaldirako bi sarrerak.

• Berezia: Uztarriaren zozketak

Abenduaren 20an izango da Txapelen omenezko bertso saioa

Uztarria.eus | 2019-12-12 : 14:02 | Kultura

Santo Tomas bezperan, ostiralez, izango da saioa. 22:00etan hasita, Soreasu antzokiko agertokian izango dira Amets Arzallus, Andoni Egaña, Nerea Ibarzabal, Aitor Sarriegi eta Oier Etxeberria. Saioan ariko den seigarren bertsolaria Gipuzkoako txapelduna izango da. Sarrerak salgai daude dagoeneko Azpeitian, Azkoitian eta Zestoan, zortzi eurotan.

Hartz eta Ezbaian taldeen kontzertuak izango dira bihar Orkatzen

Uztarria.eus | 2019-12-12 : 11:52 | Kultura

Kontzertuak 22:30ean hasiko dira. Hartz musika taldea rock alternatiboa jotzen duen Azpeitiko taldea da. Ezbaian, berriz, rock musika egiten duen Ondarruko (Bizkaia) taldea.

Ander Valverde: "Uste dut une gorenean gaudela, eta horretaz ahal dugun gehien disfrutatzea nahi dut"

Uztarria.eus | 2019-12-11 : 11:56 | Kultura

Ander Valverde (Gasteiz, 1982) Green Valley taldeko abeslaria "gogotsu" dago zapatuan Sanagustin kulturguneko agertokia zapaltzeko. 22:30ean hasiko da emanaldia, eta dancehall eta reggae doinuez gain, aldarrikapen sozialik ez da faltako kontzertuan. Bajo la piel izenda duen azken estudioko lana plazaratuko du taldeak. Kontzertu horren ostean, Little Selektahren emanaldia izango da. Sarrerak salgai daude Interneten nahiz Sanagustin kulturgunean.

• Green Valley taldearen kontzerturako bi sarrera zozkatuko ditu Uztarriak

Finalerako prest dira zortzi bertsolariak

Uztarria.eus | 2019-12-10 : 17:14 | Kultura

Ate joka da Gipuzkoako Bertsolari Txapelketaren finala. Gaur aurkeztu dute saioa, eta han izan dira finalean kantatuko duten bertsolariak; tartean Beñat Lizaso. "Aurreko txapelketetan langa jo ote nuen zen kezka, eta orain bai jo dudala langa!", adierazi du azpeitiarrak gaurko aurkezpenean.

Salgai daude J.J. Vaquerok ostiralean eskainiko duen bakarrizketa saiorako sarrerak

Uztarria.eus | 2019-12-10 : 09:34 | Kultura

Hamabost eurotan eskura daitezke sarrerak Internet bidez nahiz Sanagustin kulturgunean, eta ostiralean Soreasu antzokiko lehiatilan erosi ahal izango dira, hemezortzi eurotan. 22:00etan hasiko da umoregile eta gidoigilearen emanaldia, Soreasu antzokian.

'Arantzazu, harriz herri' dokumentala emango dute bihar, Basazabal jauregian

Uztarria.eus | 2019-12-10 : 09:09 | Kultura

Arantzazuko santutegiaren historia biltzen duen ikus-entzunezkoa ikusi ahal izango da bihar, 19:00etan, Basazabalen. Urolakoen Napar Zuzterrak taldeak antolatu du emanaldia, eta Angel Rekaldek lanaren inguruko xehetasunak azalduko ditu.

Green Valley taldearen kontzerturako bi sarrera zozkatuko ditu Uztarriak

Uztarria.eus | 2019-12-09 : 11:33 | Kultura

Zapatuan Sanagustin kulturgunean izango da kontzertua, 22:30ean hasita. Green Valley-ren emanaldiaren ostean, Little Martin Selektah izango da agertokian. Uztarria Komunikazio Taldeko bazkideek parte har dezakete sarreren zozketan, uztarriazozketak@gmail.com helbidera mezua idatzita. Ostegun goizean egingo du komunikazio taldeak zozketa. Emanaldirako sarrerak salgai daude.

• Berezia: Uztarriaren zozketak

'El silencio de la ciudad blanca' filma ikusi ahal izango da gaur Soreasun

Uztarria.eus | 2019-12-09 : 10:56 | Kultura

Agenda akats bat tarteko, atzorako iragarri zuen film emanaldia Kulturaz kooperatibak, baina gaur izango da saioa 21:00etan. Gaurko emanaldirako sarrerak Kulturaz.eus webgunean eskura daitezke, eta emanaldiaren aurretik ere erosi ahal izango dira Soreasu antzokiko leihatilan.

Artea denen eskura Zelai Luzen

Urola Kostako Hitza | 2019-12-06 : 10:17 | Kultura

Hamar artistaren lanak ikusteko, ezagutzeko eta erosteko aukera izango da bihartik hilaren 22ra Marcial Ucin enpresaren bulegoak zeuden eraikinean, Azpeitiko lehen arte azokan.

Joseba Tapia: "Lastima dena da euskal musikarentzat gero eta leku gutxiago izatea"

Uztarria.eus | 2019-12-05 : 12:12 | Kultura

Joseba Tapiak (Lasarte-Oria, 1964) kaleratu berri duen Tranpaldo diskoa aurkeztuko du igandean Soreasu antzokian. 18:30ean hasiko den kontzertua ETBk grabatuko du (hamabi eurotan eros daitezke sarrerak). Barkako zortzigarren lanean bildu dituen abestiak entzun ahal izango dira emanaldian. Kontzertua baino lehen, triki-poteoa egingo du Tapiak herritarrekin batera; 16:30erako jarri du hitzordua Sanagustin kulturgunean. Diskoa grabatzeko baliatu zituzten kontzertuetan bezalatsu, Azpeitian ere giro "ederra" sortzea espero du musikariak.

Kili-kolo dago Tuba Jaialdiaren etorkizuna

Uztarria.eus | 2019-12-05 : 11:05 | Kultura

Dirulaguntza eta finantzazio faltan, datorren urtean Azpeitiko Tuba Jaialdia antolatzeko zailtasunak ikusten dituzte antolatzaileek. "Azpeitiko Udalaren laguntza bakarrik jaso dugu eta agortu ditugu Metal Boskotearen baliabide ekonomiko denak", azaldu dute. Abenduaren 15ean, Donostian Gabon Tuba Jaialdian parte hartuko dutela ere iragarri dute.