Dena asmatuta dago filma bi aldiz ikusteko aukera izan da gurean: lehen aukera ostegunean, Dinamoan; bigarrena, Laburbira zikloaren bairruan, Soreasun, beste hainbat film laburrekin batera. Musikari dagokionez, TOC eta Leihotikan taldeekin jendetza elkartu zen Sanagustinen ostiralean. Neomak taldeak, berriz, leoparino bete zuen Soreasu larunbat gauean. Doi erakusketa programaren barruko bigarren erakusketa ere ikusgai da dagoeneko, Pello Ulazia mutrikuarraren lanari tokia emanez, Sanagustin kulturgunean eta Foru Ibilbideko erakusketa aretoan.

Pello Ulazia artistaren erakusketa da Kartoia, papera, guraizeak. Izen bereko liburuarekin osagarritzen da proiektua. Kartoizko figurak, aldizkari zatiekin-eta osatutako collageak eta poesia uztartzen ditu Ulaziaren lanak. Maiatzaren 5era bitarte egongo da ikusgai.